വാഴക്കുളം: ലോക ഭക്ഷ്യ ദിനത്തോടനുബന്ധിച്ച് വാഴക്കുളം ചാവറ ഇന്റർനാഷണൽ അക്കാദമിയിൽ രുചിക്കൂട്ട് ഭക്ഷ്യമേള നടത്തി. സ്കൂൾ ഇൻഡോർ സ്റ്റേഡിയത്തിൽ മാനേജർ ഫാ. തോമസ് മഞ്ഞക്കുന്നേൽ ഭക്ഷ്യമേള ഉദ്ഘാടനം ചെയ്തു.
കെജി മുതൽ പത്താം ക്ലാസ് വരെയുള്ള വിദ്യാർഥികളുടെയും അധ്യാപകരുടെയും പങ്കാളിത്തത്തോടെ നടത്തിയ ഭക്ഷ്യമേളയിൽ കുട്ടികൾ പാകപ്പെടുത്തിയ വിവിധയിനം വിഭവങ്ങളാണ് ക്ലാസ് അടിസ്ഥാനത്തിൽ ഒരുക്കിയത്. ലൈവ് തട്ടുകടയും നാടൻ വിഭവങ്ങളും കുട്ടികൾ സജ്ജമാക്കി.