കാഞ്ഞങ്ങാട്: ജില്ലാ ലൈബ്രറി കൗണ്‍സില്‍ വികസന സമിതി പുസ്തകോത്സവത്തില്‍ കവി പി. ഭാസ്‌കരന്‍റെ ജന്മശതാബ്ദിയുടെ ഭാഗമായി അനുസ്മരണ സമ്മേളനവും പി. ഭാസ്‌കരന്‍ രചിച്ച സിനിമാ ഗാനങ്ങളുടെ ആലാപന മത്സരവും സംഘടിപ്പിച്ചു. കവി സി.എം. വിനയചന്ദ്രന്‍ ഉദ്ഘാടനം ചെയ്തു.
ഹൊസ്ദുര്‍ഗ് താലൂക്ക് ലൈബ്രറി കൗണ്‍സില്‍ പ്രസിഡന്‍റ് പി. വേണുഗോപാലന്‍ അധ്യക്ഷത വഹിച്ചു. പി.വി.കെ. പനയാല്‍, പി. പ്രഭാകരന്‍ എന്നിവര്‍ പ്രസംഗിച്ചു. എ. മാധവന്‍ സ്വാഗതവും സുനില്‍ പട്ടേന നന്ദിയും പറഞ്ഞു.