പിറവം: വിവിധ ആവശ്യങ്ങൾ ഉന്നയിച്ച് പിറവം നഗരസഭാ യുഡിഎഫ് കൗണ്‍സിലർമാർ ചെയർപേഴ്സന്‍റെ മുറിയുടെ മുന്നിൽ ഏകദിന ഉപവാസ സമരം നടത്തി. യുഡിഎഫ് കൗണ്സിലർമാരോടുള്ള അവഗണന അവസാനിപ്പിക്കുക, തെരുവുവിളക്കുകളുടെ അറ്റകുറ്റപ്പണികൾ സമയബന്ധിതമായി നടത്തുക, വ്യക്തിഗത ആനുകൂല്യങ്ങൾ സമയത്തു കൊടുക്കുക തുടങ്ങിയ ആവശ്യങ്ങളാണ് ഉന്നയിച്ചത്. ഉപവാസസമരത്തിനു മുന്നോടിയായി നടന്ന യോഗം ഡിസിസി ജനറൽ സെക്രട്ടറി കെ.ആർ. പ്രദീപ്കുമാർ ഉദ്ഘാടനം ചെയ്തു. നഗരസഭാ പ്രതിപക്ഷ നേതാവ് തോമസ് മല്ലിപ്പുറം, യുഡിഎഫ് ജില്ലാ സെക്രട്ടറി രാജു പാണാലിക്കൽ, അരുണ്‍ കല്ലറക്കൽ തുടങ്ങിയവർ പ്രസംഗിച്ചു.