പുനർനിർമാണം ഒന്നര വർഷമായി വൈകുന്നു : കു​ണ്ടും കു​ഴി​യു​മാ​യി ക​ലൂ​ര്‍-ക​തൃ​ക്ക​ട​വ് റോ​ഡ്
Thursday, October 17, 2024 3:57 AM IST
കൊ​ച്ചി: ഒ​ന്ന​ര വ​ര്‍​ഷ​ങ്ങ​ള്‍​ക്ക് മു​ന്‍​പ് നി​ര്‍​മാ​ണ പ്ര​വ​ര്‍​ത്ത​ന​ങ്ങ​ളു​ടെ ഉ​ദ്ഘാ​ട​നം കെ​ങ്കേ​മ​മാ​യി ന​ട​ത്തി​യ ക​ലൂ​ര്‍ -ക​തൃ​ക്ക​ട​വ് റോ​ഡി​ന്‍റെ ന​വീ​ക​ര​ണം വൈ​കു​ന്നു. ക​ഴി​ഞ്ഞ വ​ര്‍​ഷം മേ​യ് 19ന് ​നി​ര്‍​മാ​ണോ​ദ്ഘാ​ട​നം ന​ട​ത്തി 17 മാ​സ​മാ​യി​ട്ടും കെ​കെ റോ​ഡി​ന്‍റെ പു​ന​ര്‍​നി​ര്‍​മാ​ണം ആ​രം​ഭി​ച്ചി​ല്ലെ​ന്ന് മാ​ത്ര​മ​ല്ല ന​ട​പ്പാ​ത ന​വീ​ക​രി​ച്ച് സൗ​ന്ദ​ര്യ​വ​ത്ക​രി​ക്കു​ന്ന ജോ​ലി​ക​ള്‍ പോ​ലും പൂ​ർ​ത്തീ​ക​രി​ക്കാ​നാ​യി​ല്ല.

പ​ണി അ​നി​ശ്ചി​ത​മാ​യി നീ​ളു​ന്ന​തി​ന​നു​സ​രി​ച്ച് റോ​ഡി​ലെ കു​ഴി​ക​ളു​ടെ എ​ണ്ണ​വും കൂ​ടു​ന്നു. ക​തൃ​ക്ക​ട​വ് മു​ത​ല്‍ ക​ട​വ​ന്ത്ര വ​രെ​യു​ള്ള ഭാ​ഗ​ത്ത് ചെ​റു​തും വ​ലു​തു​മാ​യി ഒ​രു ഡ​സ​നി​ലേ​റെ കു​ഴി​ക​ള്‍ രൂ​പ​പ്പെ​ട്ടി​ട്ടു​ണ്ട്. ഇ​തി​ല്‍ പ​ല കു​ഴി​ക​ളും ഇ​രു​ച​ക്ര വാ​ഹ​ന​യാ​ത്ര​ക്കാ​ര്‍​ക്ക് അ​പ​ക​ട ഭീ​ഷ​ണി​യു​ണ്ടാ​ക്കു​ന്ന വി​ധം ആ​ഴ​വും വ​ലി​പ്പ​വു​മേ​റി​യ​താ​ണ്.

മെ​റ്റ​ല്‍​ചി​പ്സ് നി​റ​ച്ച് താ​ത്കാ​ലി​ക പ​രി​ഹാ​രം കാ​ണു​ന്നു​ണ്ടെ​ങ്കി​ലും മ​ഴ​യി​ല്‍ വീ​ണ്ടും പ​ഴ​യ​പ​ടി​യാ​കും. ന​ഗ​ര ഹൃ​ദ​യ​ത്തി​ലെ പ്ര​ധാ​ന റോ​ഡു​ക​ളി​ലൊ​ന്നാ​യ ക​ലൂ​ര്‍-​ക​തൃ​ക്ക​ട​വ് റോ​ഡി​ല്‍ സ​മ​ഗ്ര പു​ന​രു​ദ്ധാ​ര​ണം ന​ട​ന്നി​ട്ട് കാ​ല​ങ്ങ​ളാ​യി. വ​ര്‍​ഷാ​വ​ര്‍​ഷം അ​റ്റ​കു​റ്റ​പ്പ​ണി​ക​ള്‍ ന​ട​ത്തി താ​ത്കാ​ലി​ക പ​രി​ഹാ​രം ക​ണ്ടാ​ലും കു​ണ്ടും കു​ഴി​യു​മാ​യി വീ​ണ്ടും അ​പ​ക​ട ഭീ​ഷ​ണി​യാ​കും.

ഇ​തി​നൊ​രു പ​രി​ഹാ​രം എ​ന്ന നി​ല​യ്ക്കാ​ണ് റോ​ഡ് അ​ന്താ​രാ​ഷ്ട്ര നി​ല​വാ​ര​ത്തി​ല്‍ പു​തു​ക്കി പ​ണി​യാ​നു​ള്ള ശ്ര​മം ജി​സി​ഡി​എ ആ​രം​ഭി​ച്ച​ത്. 22 മീ​റ്റ​ര്‍ വീ​തി​യും 3.2 കി​ലോ മീ​റ്റ​ര്‍ നീ​ള​വു​മു​ള്ള റോ​ഡ് 30 കോ​ടി​യോ​ളം ചെ​ല​വ​ഴി​ച്ച് ന​വീ​ക​രി​ക്കു​ന്ന​തി​നാ​ണ് പ​ദ്ധ​തി. ഇ​തി​നു മു​ന്നോ​ടി​യാ​യി ഇ​രു​വ​ശ​ത്തേ​യും ന​ട​പ്പാ​ത​ക​ള്‍ ന​വീ​ക​രി​ച്ച് സൗ​ന്ദ​ര്യ വ​ത്ക​ര​ണം ന​ട​ത്ത​ണം. കെ​എം​ആ​ര്‍​എ​ല്ലാ​മാ​ണ് ഇ​തി​നാ​യി മു​ന്നോ​ട്ടു വ​ന്ന​ത്.


ക​ഴി​ഞ്ഞ ജൂ​ണ്‍ മാ​സ​ത്തോ​ടെ ന​ട​പ്പാ​ത നി​ര്‍​മാ​ണ​ത്തി​ന്‍റെ പ​ണി​ക​ള്‍ നി​ശ്ച​ല​മാ​യി. ഫ​ണ്ടു​മാ​യി ബ​ന്ധ​പ്പെ​ട്ട പ്ര​ശ്‌​ന​മാ​ണെ​ന്ന് ജി​സി​ഡി​എ പ​റ​യു​മ്പോ​ള്‍ മീ​ഡി​യ​നു​ക​ളി​ലേ​യും ന​ട​പ്പാ​ത​ക​ളി​ലേ​യും പോ​സ്റ്റു​ക​ള്‍ മാ​റ്റി ന​ല്‍​കാ​ത്ത​തി​നാ​ലാ​ണ് പ​ണി​ക​ള്‍ പാ​തി​യി​ല്‍ അ​വ​സാ​നി​പ്പി​ക്കേ​ണ്ടി വ​ന്ന​തെ​ന്നാ​ണ് കെ​എം​ആ​ര്‍​എ​ല്ലി​ന്‍റേ​യും വി​ശ​ദീ​ക​ര​ണം. പോ​സ്റ്റു​ക​ളി​ല്‍ നി​ന്ന് വാ​ട​ക ഇ​ടാ​ക്കു​ന്ന​ത് ജി​സി​ഡി​എ ആ​ണ്.

ന​ട​പ്പാ​ത​യു​ടെ ന​വീ​ക​ര​ണം പൂ​ര്‍​ത്തി​യാ​കാ​തെ റോ​ഡു പ​ണി ആ​രം​ഭി​ക്കാ​നാ​കി​ല്ല. മു​ട​ങ്ങി​ക്കി​ട​ക്കു​ന്ന വ​ര്‍​ക്കു​ക​ള്‍ പൂ​ര്‍​ത്തി​യാ​ക്കു​ന്ന​തി​നാ​യി ജി​സി​ഡി​എ ചെ​യ​ര്‍​മാ​നും കെ​എം​ആ​ര്‍​എ​ല്‍ എം​ഡി​യും അ​ടു​ത്ത ദി​വ​സം കൂ​ടി​ക്കാ​ഴ്ച ന​ട​ത്തു​ന്നു​ണ്ട്. ന​ട​പ്പാ​ത​ക​ളി​ലെ പോ​സ്റ്റു​ക​ള്‍ മാ​റ്റി​ക്കി​ട്ടി​യാ​ല്‍ പ​ണി​ക​ള്‍ പൂ​ന​രാ​രം​ഭി​ക്കാ​നാ​കു​മെ​ന്നാ​ണ് കെ​എം​ആ​ര്‍​എ​ല്ലും പ​റ​യു​ന്ന​ത്.