വാഴക്കുളം: കലൂര് ഐപ്പ് മെമ്മോറിയല് ഹൈസ്കൂളിൽ നടക്കുന്ന കല്ലൂര്ക്കാട് ഉപജില്ലാ കായികമേളയില് രണ്ടാം ദിനത്തില് 183 പോയിന്റ് നേടി കല്ലൂർക്കാട് സെന്റ് അഗസ്റ്റിന്സ് സ്കൂൾ ഒന്നാം സ്ഥാനത്തും 128 പോയിന്റോടെ ആനിക്കാട് സെന്റ് സെബാസ്റ്റ്യന്സ് സ്കൂൾ രണ്ടും 108 പോയിന്റ് നേടി കദളിക്കാട് വിമലമാതാ സ്കൂൾ മൂന്നാം സ്ഥാനത്തുമാണ്.
ഇന്ന് വൈകുന്നേരം 3.30ന് നടക്കുന്ന സമാപന സമ്മേളനം ബ്ലോക്ക് പഞ്ചായത്ത് പ്രസിഡന്റ് കെ.ജി. രാധാകൃഷ്ണന് ഉദ്ഘാടനം ചെയ്യും. സ്കൂൾ മാനേജര് ഐപ്പ് വര്ഗീസ് അധ്യക്ഷത വഹിക്കും. കല്ലൂര്ക്കാട് പഞ്ചായത്ത് പ്രസിഡന്റ് സുജിത്ത് ബേബി മുഖ്യപ്രഭാഷണം നടത്തും. കല്ലൂര്ക്കാട് ഫാര്മേഴ്സ് ബാങ്ക് പ്രസിഡന്റ് ജോളി നെടുങ്കല്ലേല് സമ്മാനദാനം നിര്വഹിക്കും.