പയ്യന്നൂർ: ജാതിപ്പേര് വിളിച്ച് ആക്ഷേപിക്കുകയും കൈയേറ്റശ്രമം നടത്തിയെന്നുമുള്ള പരാതിയിൽ രജിസ്റ്റർ ചെയ്ത കേസിൽ പ്രതി അറസ്റ്റിൽ. രാമന്തളി പരത്തിക്കാട് സ്വദേശി എം. വിനോദിനെയാണ് പയ്യന്നൂർ ഡിവൈഎസ്പി കെ. വിനോദ് കുമാർ അറസ്റ്റ് ചെയ്തത്.
കഴിഞ്ഞ മാസം എട്ടിന് ഉച്ചകഴിഞ്ഞ് 3.30 മുതൽ രാത്രി ഏഴുവരെയാണ് പരത്തിക്കാട് സ്വദേശി സതീശൻ നൽകിയ പരാതിക്കാസ്പദമായ സംഭവം. പരാതിക്കാരനും സുഹൃത്തുക്കളായ 11 പേരും ചേർന്ന് പരത്തിക്കാട് മുത്തപ്പൻ ക്ഷേത്രത്തിന് സമീപം സഞ്ജീവനി സ്വാശ്രയ സംഘമെന്ന പേരിൽ നടത്തിവരുന്ന കൃഷിസ്ഥലത്തെത്തിയ പ്രതി പരാതിക്കാരനെ ആക്ഷേപിക്കണമെന്ന ദുരുദ്ദേശത്തോടെ ജാതിപ്പേര് വിളിച്ചുവെന്നായിരുന്നു പരാതി.