മയ്യിൽ: കണ്ണൂർ ആശുപത്രി- കാട്ടാമ്പള്ളി,മയ്യിൽറൂട്ടിലും കണ്ണാടിപ്പറമ്പ് റൂട്ടിലും നടത്തുന്ന സ്വകാര്യബസ് സമരം തുടരുമെന്ന് തൊഴിലാളികൾ വ്യക്തമാക്കി. ഐശ്വര്യ ബസ് തടഞ്ഞ് ഡ്രൈവറെയും യാത്രക്കാരനെയും അക്രമിച്ച കേസിലെ പ്രതിക്കെതിരെ വധശ്രമകുറ്റവും ചുമത്തണമെന്ന് ആവശ്യപ്പെട്ടിട്ടും പോലീസ് തുടരുന്ന നിലപാടിൽ പ്രതിഷേധിച്ചാണ് തൊഴിലാളികൾ സമരം പ്രഖ്യാപിച്ചത്.
സമരം തീർക്കാൻ മയ്യിൽ ഇൻസ്പെക്ടറും ജോയിന്റ് ആർടിഒ യും വിളിച്ച ചർച്ചയും പരാജയം. സംഘടനകളുടെ പിന്തുണയില്ലാത്ത സമരം അവസാനിപ്പിച്ചില്ലെങ്കിൽ ശക്തമായ നടപടിയെന്ന് മയ്യിൽ പോലീസ് വ്യക്തമാക്കി. കമ്പിലിൽ വച്ച് ബസ് ജീവനക്കാരനും യാത്രക്കാരനും നേരെ നടന്ന അക്രമത്തിൽ പ്രതിക്കെതിരെ പോലീസ് ചുമത്തിയത് നിസാര വകുപ്പുകൾ എന്നാണ് ജീവനക്കാരുടെ ആരോപണം ബസ് സമരം ശക്തമാക്കാനുള്ള തീരുമാനത്തിലാണ് ജീവനക്കാർ.