കുടിയാന്മല: പോലീസ് സ്മൃതി ദിനാചരണത്തിന്‍റെ ഭാഗമായി കുടിയാന്മല മേരി ക്വീൻസ് ഹൈസ്കൂളിലെ സ്റ്റുഡന്‍റ് പോലീസ് കേഡറ്റുകൾ (എസ്പിസി) കുടിയാന്മല പോലീസ് സ്റ്റേഷൻ സന്ദർശിച്ചു.
പോലീസിന്‍റെ പ്രവർത്തനങ്ങളെക്കുറിച്ച് എസ്ഐ ചന്ദ്രൻ ബോധവത്കരണ ക്ലാസെടുത്തു. എഎസ്ഐമാരായ രതീശൻ, രാജീവൻ ഡ്രിൽ ഇൻസ്‌ട്രക്ടർ മഹേഷ്, സ്വപ്ന, ടെസി തോമസ് എന്നിവർ വിവിധ ആയുധങ്ങൾ വിദ്യാർഥികളെ പരിചയപ്പെടുത്തി. സ്കൂൾ മുഖ്യാധ്യാപകൻ സുനിൽ ജോസഫ്, കമ്യൂണിറ്റി പോലീസ് ഓഫീസർമാരായ ക്ലീറ്റസ് പോൾ, ഡിസ്റ്റി ദേവസ്യ എന്നിവർ നേതൃത്വം നൽകി.