കോഴിച്ചാൽ: പയ്യന്നൂർ സബ്ജില്ലാ സ്കൂൾ കലോത്സവത്തിൽ എൽപി വിഭാഗത്തിൽ മൂന്നാം സ്ഥാനവും ചെറുപുഴ പഞ്ചായത്ത്തലത്തിൽ ഒന്നാം സ്ഥാനവും നേടിയ കോഴിച്ചാൽ സെന്‍റ് അഗസ്റ്റിൻ എൽപി സ്കൂളിലെ വിദ്യാർഥികളെയും ശാസ്ത്ര-കായിക മേളകളിൽ വിജയികളായവരെയും പിടിഎ കമ്മിറ്റി അനുമോദിച്ചു.
സ്കൂൾ മാനേജർ ഫാ. ജോസഫ് കോയിപ്പുറം ഉദ്ഘാടനം ചെയ്തു. മുഖ്യാധ്യാപിക എം.എം. മേരി അധ്യക്ഷത വഹിച്ചു. അധ്യാപകരായ ജിബി സെബാസ്റ്റ്യൻ, പി.ജെ. അൽഫോൻസ, ബിബിതാ ജോർജ്, സ്വപ്ന ജോസഫ്, മദർ പിടിഎ പ്രസിഡന്‍റ് ഷെറ്റി തറപ്പേൽ തുടങ്ങിയവർ പ്രസംഗിച്ചു. വിജയികളായ പ്രതിഭകളെ ആനയിച്ച് കോഴിച്ചാലിൽ ആഹ്ലാദപ്രകടനവും നടത്തി.