പുന്നാട്: മാലിന്യ മുക്ത നവ കേരളം ജനകീയ ക്യാമ്പയിന്റെ ഭാഗമായി ഇരിട്ടി നഗരസഭയിലെ മുഴുവൻ വിദ്യാലയങ്ങളും ഹരിത വിദ്യാലങ്ങളാക്കി മാറ്റുന്നതിന് നഗരസഭയിൽ ചേർന്ന സ്കൂൾ മേധാവികളുടെ യോഗത്തിൽ തീരുമാനിച്ചു.
നഗരസഭ ചെയർപേഴ്സൺ കെ. ശ്രീലത ഉദ്ഘാടനം ചെയ്തു. വൈസ് ചെയർമാൻ പി.പി. ഉസ്മാൻ അധ്യക്ഷത വഹിച്ചു. ഹരിതകേരളം മിഷൻ ജില്ലാ റിസോഴ്സ് പേഴ്സൺ ജയപ്രകാശ് പന്തക്ക പദ്ധതി വിശദീകരിച്ചു. ചടങ്ങിൽ നഗരസഭ സ്റ്റാന്ഡിംഗ് കമ്മിറ്റി ചെയർമാൻമാരായ കെ.സോയ, ടി.കെ. ഫസീല, എ.കെ. രവീന്ദ്രൻ, ക്ലീൻ സിറ്റി മാനേജർ കെ.വി.രാജീവൻ എന്നിവർ പ്രസംഗിച്ചു.