മട്ടന്നൂർ: വിവിധ വിമാനത്താവളങ്ങളിൽ വിമാനങ്ങൾക്ക് വ്യാപകമായി ബോംബ് ഭീഷണി ഉയരുന്ന സാഹചര്യത്തിൽ ബോംബ് ഭീഷണി നേരിടുന്നതിന് കണ്ണൂർ വിമാനത്താവളത്തിൽ മോക്ഡ്രിൽ നടത്തി. പോലീസ് ബോംബ് സ്ക്വാഡും സിഐഎസ്എഫ് ഡോഗ് സ്ക്വാഡും ചേർന്നാണ് മോക് ഡ്രിൽ നടത്തിയത്.
കിയാൽ സിഒഒ അശ്വനികുമാർ, ചീഫ് സെക്യൂരിറ്റി ഓഫീസർ വേലായുധൻ മണിയറ, കമാൻഡന്റ് അനിൽ ദൗണ്ടിയാൽ തുടങ്ങിയവർ നേതൃത്വം നൽകി. വിമാനത്താവളത്തിൽ പ്രത്യേക സുരക്ഷാ അവലോകന യോഗവും ചേർന്നു.