കണ്ണൂർ: എഎസ്ഐഎസ്സിഎഫ് സോൺ റീജണൽ കൾച്ചറൽ ഫെസ്റ്റ് ഇന്ന് ശ്രീപുരം ഇംഗ്ലീഷ് മീഡിയം ഹൈസ്കൂൾ ആൻഡ് ജൂണിയർ കോളജിൽ നടക്കും. രാവിലെ ഒന്പതിന് കോട്ടയം അതിരൂപത സഹായ മെത്രാൻ മാർ ജോസഫ്പണ്ടാരശേരിൽ കലാമേള ഉദ്ഘാടനം ചെയ്യും. സ്കൂൾ പ്രിൻസിപ്പൽ സിസ്റ്റർ അയോണ സൈമൺ പ്രസംഗിക്കും.
കാസർഗോഡ്, കണ്ണൂർ, വയനാട്, കോഴിക്കോട് ജില്ലകളിൽ നിന്നുള്ള 14 ഐസിഎസ്ഇ സ്കൂളുകളിൽ നിന്നായി 151 ലേറെ വിദ്യാർഥികൾ വിവിധ ഇനങ്ങളിൽ മാറ്റുരയ്ക്കും. വൈകുന്നേരം നടക്കുന്ന സമാപന സമ്മേളനത്തിൽ ശ്രീപുരം സ്കൂൾ മാനേജർ ഫാ. ജോയ് കട്ടിയാങ്കൽ മുഖ്യാതിഥിയാകും. സ്കൂൾ കറസ്പോണ്ടന്റ് ഫാ. സൈജു മേക്കര പ്രസംഗിക്കും.