പയ്യാവൂർ: ചെമ്പന്തൊട്ടിയിൽ നടക്കുന്ന ഇരിക്കൂർ വിദ്യാഭ്യാസ ഉപജില്ലാ കേരള സ്കൂൾ കലോത്സവത്തിന്റെ ലോഗോ ഇരിക്കൂർ എഇഒ പി.കെ.ഗിരീഷ് മോഹൻ പ്രകാശനം ചെയ്തു.
ചെമ്പന്തൊട്ടി സെന്റ് ജോർജ് ഹൈസ്കൂൾ ഓഡിറ്റോറിയത്തിൽ നടന്ന ചടങ്ങ് ഇരിക്കൂർ ബ്ലോക്ക് പ്രോജക്ട് കോ- ഓർഡിനേറ്റർ ടി.വി.ഒ.സുനിൽകുമാർ ഉദ്ഘാടനം ചെയ്തു. സ്കൂൾ മാനേജർ ഫാ.ആന്റണി മഞ്ഞളാംകുന്നേൽ അധ്യക്ഷത വഹിച്ചു. മുഖ്യാധ്യാപകൻ ബിജു സി.ഏബ്രഹാം ആമുഖ പ്രഭാഷണം നടത്തി. പിടിഎ ഭാരവാഹികളായ സജി അടവിച്ചിറ, ഷീജ ജോമോൻ, വി.എം.തോമസ് എന്നിവർ പ്രസംഗിച്ചു.