ഇരിട്ടി: ഉപജില്ലാ ശാസ്ത്ര-ഗണിതശാസ്ത്ര-സാമൂഹ്യശാസ്ത്ര-ഐടി- പ്രവൃത്തി പരിചയ മേളകളില് എടൂര് സെന്റ് മേരീസ് ഹയര് സെക്കൻഡറി സ്കൂളിന് ഓവറോള് കിരീടം. ചാവശേരിയില് നടന്ന ഇരിട്ടി ഉപജില്ലാ മേളയിൽ 284 പോയിന്റുകള് നേടിയാണ് എടൂര് സ്കൂള് ജേതാക്കളായത്.
ശാസ്ത്രമേളയില് ഒന്പതും ഗണിതശാസ്ത്രമേളയില് പത്തും സോഷ്യല് സയന്സില് അഞ്ചും പ്രവൃത്തി പരിചയമേളയിലെ ആകെയുള്ള ഇരുപതിനങ്ങളില് 15 ഉം ഐടി മേളയില് ആറും കുട്ടികള് എ ഗ്രേഡുകളോടെ ജില്ലാ മത്സരത്തിലേക്ക് തെരഞ്ഞെടുക്കപ്പെട്ടു. ഉജ്വല വിജയം നേടിയ പ്രതിഭകളെ സ്കൂൾ മാനേജ്മെന്റും പിടിഎയും ചേര്ന്ന് അഭിനന്ദിച്ചു. തുടര്ന്ന് നടത്തിയ ആഹ്ലാദപ്രകടനത്തില് സ്കൂളിലെ മുഴുവന് അധ്യാപകരും വിദ്യാര്ഥികളും പങ്കെടുത്തു.