എറവക്കാട്: ചാപ്പക്കായലിനു സമീപം റെയിൽപാളത്തിൽ വല്ലച്ചിറ സ്വദേശിയെ ട്രെയിൻതട്ടി മരിച്ചനിലയില്‍ കണ്ടെത്തി. കടലാശേരി തെക്കൂട്ട് പാറയ്ക്കല്‍ വീട്ടില്‍ അയ്യപ്പന്‍റെ മകന്‍ മോനു (രാധാകൃഷ്ണൻ -54) ആണ് മരിച്ചത്.
ഇന്നലെ രാവിലെ 11.30നായിരുന്നു സംഭവം. ശരീരഭാഗങ്ങൾ ട്രാക്കില്‍ കിടന്നതിനാൽ പിറകെയെത്തിയ വന്ദേഭാരത് അരമണിക്കൂറോളം നിര്‍ത്തിയിടേണ്ടിവന്നു. പിന്നീട് പുതുക്കാട് പോലീസ് സ്ഥലത്തെത്തിയാണ് മൃതദേഹം മാറ്റിയത്. സംസ്കാരം ഇന്ന് രാവിലെ എട്ടിന് വീട്ടുവളപ്പിൽ. അമ്മ: കല്യാണി. ഭാര്യ: ബിന്ദു. മക്കൾ: രാഗേഷ്, രമേഷ്.