മതിലകം: പാപ്പിനിവട്ടം സർവീസ് സഹകരണബാങ്ക് പുതിയ ഭരണസമിതി അധികാരമേറ്റു. ഭരണസമിതി തെരഞ്ഞെടുപ്പിൽ ഇടതുമുന്നണി എതിരില്ലാതെയാണ് തെരഞ്ഞെടുക്കപ്പെട്ടത്.
പുതിയ പ്രസിഡന്‍റായി സിപിഎമ്മിലെ ബേബി പ്രഭാകരനെയും വൈസ് പ്രസിഡന്‍റായി സിപിഐയിലെ ഗീത പ്രസാദിനെയും ഐകകണ്ഠ്യേന തെരഞ്ഞെടുത്തു. സണ്ണി മാധവ്, പി.എച്ച്. നിയാസ്, ടി.ബി. സുനിൽകുമാർ, സി.വി. സന്തോഷ്, ശ്രീനിവാസൻ ഐനിപുള്ളി, വി.സി. മൈക്കിൾ മാർട്ടിൻ, എൻ.കെ. സുരേഷ്, ആർ.എം. ഹരിദാസൻ, എം.കെ. മുജീബ് റഹ്‌മാൻ, ജിഷ വിനോദ്, അഷറഫ് കാരേക്കാട്ട്, എസ്.ഐ. അക്ബർ, ബിജിത സിലേഷ് എന്നിവരാണ് പുതിയ ഭരണസമിതി അംഗങ്ങൾ. സത്യപ്രതിജ്ഞയെ തുടർന്ന് ബാങ്ക് ഹെഡ്ഓഫീസിൽ നടന്ന അനുമോദന യോഗത്തിൽ മതിലകം ബ്ലോക്ക് പഞ്ചായത്ത് പ്രസിഡന്‍റ് സി.കെ. ഗിരിജ, മതിലകം പഞ്ചായത്ത് പ്രസിഡന്‍റ് സീനത്ത് ബഷീർ, വൈസ് പ്രസിഡന്‍റ് ടി.എസ്. രാജു, ഇ.ജി. സുരേന്ദ്രൻ, ടി.പി. രഘുനാഥ് തുടങ്ങിയവർ പ്രസംഗിച്ചു.