ചിയ്യാരം: ചേതന കോളജ് ഓഫ് മീഡിയ ആൻഡ് പെർഫോമിംഗ് ആർട്സിന്റെ കൾച്ചറൽ ഫെസ്റ്റ് "വിവിധ്' സിനിമാതാരം സരിത കുക്കു ഉദ്ഘാടനം ചെയ്തു.
കോളജ് മാനേജർ ഫാ. ഫ്രാൻസിസ് കുരിശേരി, ഡയറക്ടർ ഫാ. ജിജോ തീതായ്, ഫാ. സന്തോഷ് മുണ്ടന്മാണി, ഫാ. ബെന്നി ബെനഡിക്ട്, കോളജ് പ്രിൻസിപ്പൽ അരുണ് ജോണ് മാണി, വിവിധ് ജനറൽ കോഓർഡിനേറ്റർ നിക്കോൾ മരിയ ഗോമസ്, സ്റ്റുഡന്റ് കോഓർഡിനേറ്റർ എം.വി. വൈശാഖ് എന്നിവർ പ്രസംഗിച്ചു.
ചേതനയിലെ വിവിധ ഡിപ്പാർട്ട്മെന്റുകളുടെ കീഴിൽ നടക്കുന്ന ആഘോഷപരിപാടികളുടെ ആദ്യദിനമായ ഇന്നലെ മീഡിയ ആൻഡ് ലിറ്ററേച്ചർ ഫെസ്റ്റിവൽ ഓഫ് ചേതന, ന്യൂസ് റീഡിംഗ്, ആർജെ ഹണ്ടിംഗ്, ചതുരം ആർട്ട് ഷോ, ബാബു രാമചന്ദ്രന്റെ ടോക് വിത്ത് മീഡിയ പേഴ്സണ്, ഫോട്ടോ വീഡിയോ എക്സ്പോ, ആർവിആർ ഷോ, ഫെയ്സ് പെയിന്റിംഗ് കോംപറ്റിഷൻ, ലൈവ് പെയിന്റിംഗ്, ട്രഷർ ഹണ്ട്, പ്രശസ്ത ഫോട്ടോഗ്രാഫർ ടി.പി. ജയരാജിന്റെ ഫോട്ടോഗ്രാഫി മാസ്റ്റർ ക്ലാസ് എന്നിവയും ഉണ്ടായിരുന്നു.