ഇരിങ്ങാലക്കുട: കൂടല്മാണിക്യം ദേവസ്വത്തില് നടന്ന ആര്ക്കൈവ്സിന്റെ ചരിത്ര സെമിനാര്, ചരിത്രക്വിസ്, ആദരായണം എന്നീ പരിപാടികള് സമാപിച്ചു. ഇരിങ്ങാലക്കുട ക്രൈസ്റ്റ് കോളജ് പ്രിന്സിപ്പല് റവ.ഡോ. ജോളി ആന്ഡ്രൂസ് സമാപന സമ്മേളനം ഉദ്ഘാടനംചെയ്തു.
ദേവസ്വം ചെയര്മാന് അഡ്വ. സി.കെ. ഗോപി അധ്യക്ഷതവഹിച്ചു. കേരള സര്ക്കാരിന്റെ ചലച്ചിത്ര പിന്നണിഗായകനുള്ള അവാര്ഡും സംസ്ഥാന വയോമിത്രം അവാര്ഡും ലഭിച്ച വിദ്യാധരന് മാസ്റ്ററെ ചടങ്ങില് ആദരിച്ചു. സെന്റ് ജോസഫ്സ് കോളജ് വൈസ് പ്രിന്സിപ്പല് സിസ്റ്റര് ഡോ. എലൈസ സര്ട്ടിഫിക്കറ്റുകള് വിതരണംചെയ്തു.
തരണനെല്ലൂര് കോളജ് പ്രിന്സിപ്പല് ഡോ. പോള് ജോസ് ക്വിസ് മത്സരവിജയികള്ക്ക് സമ്മാനങ്ങള്നല്കി. ചരിത്രക്വിസ് മത്സരത്തില് ഒന്നാംസമ്മാനം നമ്പൂതിരീസ് ബിഎഡ് കോളജ് വിദ്യാര്ഥിനികളായ കാവ്യ, മാളവിക എന്നിവര് അര്ഹരായി. രണ്ടാംസമ്മാനം മാലിയേങ്കര എസ്എന്എം കോളജ് വിദ്യാര്ഥികളായ അദ്വൈത്, അശ്വിന് എന്നിവരും അര്ഹരായി. മൂന്നാം സമ്മാനം സെന്റ് ജോസഫ്സ് കോളജ് വിദ്യാര്ഥിനികളായ സാന്ദ്ര, റിന്ഷ നസ്റിന് എന്നിവരും കരസ്ഥമാക്കി. പ്രഫ. സാവിത്രി ലക്ഷ്മണന്, ഡോ. മുരളി ഹരിതം, പ്രഫ. വി.കെ. ലക്ഷ്മണന്നായര്, പി.കെ. ഭരതന്, ഡോ.കെ. രാജേന്ദ്രന് എന്നിവര് പ്രസംഗിച്ചു.