കൗ​തു​ക​മാ​യി ഡ​ബി​ൾ ഡെ​ക്ക​റെ​ത്തി
Tuesday, October 15, 2024 6:29 AM IST
തൃ​ശൂ​ർ: പൂ​ര​ന​ഗ​രി​യി​ൽ കെ​എ​സ്ആ​ർ​ടി​സി​യു​ടെ ഡ​ബി​ൾ ഡെ​ക്ക​ർ ബ​സ് എ​ത്തി​യ​ത് കൗ​തു​ക​മു​ണ​ർ​ത്തി. ഇ​ന്ന​ലെ ഉ​ച്ച​ക​ഴി​ഞ്ഞാ​ണ് സ്വകാര്യ സ്ഥാപനത്തിന്‍റെ പ​ര​സ്യ​പ്ര​ചാ​ര​ണാ​ർ​ഥം ഡ​ബി​ൾ ഡെ​ക്ക​ർ ബ​സ് കെ​എ​സ്ആ​ർ​ടി​സി സ്റ്റാ​ൻ​ഡി​ൽ എ​ത്തി​യ​ത്.

ഓ​ർ​ഡി​ന​റി ബ​സു​ക​ൾ​ക്കി​ട​യി​ൽ വി​ശ്ര​മി​ക്കാ​ൻ എ​ത്തി​യ ബ​സി​നു​ചു​റ്റും ആ​ളു​കൂ​ടി​യ​തോ​ടെ എ​ല്ലാ​വ​ർ​ക്കും വി​ശാ​ല​മാ​യി കാ​ണു​ന്ന​തി​നാ​യി ബ​സി​ലെ ജീ​വ​ന​ക്കാ​ർ സ്റ്റാ​ൻ​ഡി​ലെ മി​ൽ​മ ബൂ​ത്തി​നു മു​ന്നി​ലേ​ക്ക് ബ​സ് ഇ​റ​ക്കി​യി​ട്ടു. നി​ര​വ​ധി​പേ​രാ​ണ് കാ​ണു​ന്ന​തി​നും ഫോ​ണു​ക​ളി​ൽ ഫോ​ട്ടോ​യെ​ടു​ക്കു​ന്ന​തി​നു​മാ​യി ബ​സി​നു​ചു​റ്റും​കൂ​ടി​യ​ത്.


കോ​ഴി​ക്കോ​ട്ടു​നി​ന്നു ന​ഗ​ര​ത്തി​ൽ എ​ത്തി​യ ബ​സ് ര​ണ്ടു​ത​വ​ണ സ്റ്റാ​ൻ​ഡി​നു​വ​ലം​വ​ച്ചാ​ണ് സ്റ്റാ​ൻ​ഡി​ലേ​ക്ക് ക​യ​റി​യ​ത്. ഇ​നി നാ​ലു​ദി​വ​സം ന​ഗ​ര​ത്തി​ന്‍റെ വി​വി​ധ ഇ​ട​ങ്ങ​ളി​ലൂ​ടെ സ​ഞ്ച​രി​ക്കു​ന്ന ബ​സ് രാ​ത്രി​യാ​യാ​ൽ വ​ർ​ണ​ലൈ​റ്റു​ക​ൾ തെ​ളി​യി​ച്ചും പാ​ട്ടു​വ​ച്ചു​മാ​ണ് യാ​ത്ര​തു​ട​രു​ക. എ​ന്നാ​ൽ ബ​സി​ൽ ആ​ളു​ക​ൾ​ക്ക് പ്ര​വേ​ശ​ന​മു​ണ്ടാ​കി​ല്ല. തൃ​ശൂ​ർ വി​ട്ടാ​ൽ പി​ന്നെ എ​റ​ണാ​കു​ള​ത്താ​യി​രി​ക്കും ബ​സ് പ​ര്യ​ട​നം​ന​ട​ത്തു​ക.