എൽത്തുരുത്ത്: ജില്ലാ ദുരന്തനിവാരണ അഥോറിറ്റിയും സെന്റ് അലോഷ്യസ് കോളജും സംയുക്തമായി അന്താരാഷ്ട്ര ദുരന്തലഘൂകരണദിനം ആചരിച്ചു.
അസിസ്റ്റന്റ് കളക്ടർ അതുൽ സാഗർ ഉദ്ഘാടനം ചെയ്തു. ദിനാചരണത്തിന്റെ ഭാഗമായി വിദ്യാർഥികൾക്കായി ബോധവത്കരണ ക്ലാസും പ്രായോഗികപരിശീലനവും നൽകി. ക്ലാസുകൾക്കു കേരള സിവിൽ ഡിഫൻസ് അക്കാഡമി ഡയറക്ടർ അരുണ് ഭാസ്കർ, എൻഡിആർഎഫ് ആർആർസി തൃശൂർ സബ്ഇൻസ്പെക്ടർ പ്രശാന്ത് എന്നിവർ നേതൃത്വം നൽകി. കോളജ് പ്രിൻസിപ്പൽ പ്രഫ. പി. ചാക്കോ ജോസ് അധ്യക്ഷത വഹിച്ചു. തഹസിൽദാർ ജയശ്രീ, ഡെപ്യൂട്ടി കളക്ടർ എൻ. ബാലസുബ്രഹ്മണ്യം, കോളജ് അഡ്മിനിസ്ട്രേറ്റർ ഫാ. കെ. അരുണ് ജോസ് സിഎംഐ, ഹസാർഡ് അനലിസ്റ്റ് സുസ്മി സണ്ണി, ദുരന്തനിവാരണവിഭാഗം ജൂനിയർ സൂപ്രണ്ട് കെ. രമാദേവി, അസോസിയേറ്റ് എൻസിസി ഓഫീസർ ക്യാപ്റ്റൻ ഡോ. ജയ്സണ് ജേക്കബ് എന്നിവർ സംസാരിച്ചു.