തൃശൂർ: വൈഎംസിഎയുടെ നേതൃത്വത്തിൽ ഇന്റർനാഷണൽ നഴ്സസ് വാരാഘോഷം സമാപിച്ചു. ചടങ്ങിൽ കോർപറേഷൻ പരിധിയിലെ 16 ആശുപത്രികളിൽനിന്നു തെരഞ്ഞെടുക്കപ്പെട്ട 16 മികച്ച നഴ്സുമാരെ കാഷ് അവാർഡും പൊന്നാടയും ഉപഹാരവും നൽകി ആദരിച്ചു. ജൂബിലി മിഷൻ ആശുപത്രിയിൽ നടന്ന ചടങ്ങ് സഹായമെത്രാൻ മാർ ടോണി നീലങ്കാവിൽ ഉദ്ഘാടനം ചെയ്തു.
കേരള ആരോഗ്യ സർവകലാശാല പ്രോ വൈസ് ചാൻസലർ ഡോ. സി.പി. വിജയൻ മുഖ്യപ്രഭാഷണം നടത്തി. വൈഎംസിഎ പ്രസിഡന്റ് ജോജു മഞ്ഞില അധ്യക്ഷത വഹിച്ചു. ജൂബിലി മിഷൻ ആശുപത്രി ഡയറക്ടർ ഫാ. റെന്നി മുണ്ടൻകുര്യൻ, സിഇഒ ബെന്നി ജോസഫ്, ജൂബിലി ഫ്രറ്റേണിറ്റി ചെയർമാൻ സോളി തോമസ്, ജൂബിലി മിഷൻ ആശുപത്രി നഴ്സ് ഷൈനി എന്നിവർ പ്രസംഗിച്ചു. ട്രഷറർ ഷാജി ചെറിയാൻ സ്വാഗതവും ജനറൽ സെക്രട്ടറി ജിൽസൺ ജോസ് നന്ദിയും പറഞ്ഞു.