കൊച്ചി: ഒറീസയില് നിന്ന് വന്തോതില് കഞ്ചാവ് എത്തിച്ച് എറണാകുളം നഗരത്തില് മൊത്തവ്യാപാരം നടത്തി വന്നിരുന്ന യുവാവ് അറസ്റ്റില്. പത്തനംതിട്ട റാന്നി ചെറുകുളങ്ങി സ്വദേശി റിന്സന് മാത്യു(35) ആണ് എക്സൈസിന്റെ പിടിയിലായത്. രഹസ്യ വിവരത്തെത്തുടര്ന്ന് എക്സൈസ് ഇയളെ നിരീക്ഷിച്ച് വരികയായിരുന്നു.
ഇന്നലെ വൈകുന്നേരം നാലോടെ എറണാകുളം സൗത്ത് റെയില്വേ സ്റ്റേഷനിലെത്തിയ പ്രതിയെ എക്സൈസും ആര്പിഎഫും ചേര്ന്ന് പിടികൂടുകയായിരുന്നു. ഇയാളുടെ പക്കല്നിന്നും എട്ട് കിലോ കഞ്ചാവ് പിടിച്ചെടുത്തു. പ്രതിയില് നിന്നും കഞ്ചാവ് ഏറ്റുവാങ്ങാന് വരുന്നവരെക്കുറിച്ചുള്ള സൂചന ലഭിച്ചിട്ടുണ്ടെന്നും വരും ദിവസങ്ങളിലും കൂടുതല് അറസ്റ്റ് ഉണ്ടാകുമെന്നും എക്സൈസ് അധികൃതര് അറിയിച്ചു.