കോതമംഗലം: ആരുടെയും ശിക്ഷണമില്ലാതെ ഒറ്റയ്ക്ക് പരിശീലനം നടത്തി സ്വര്‍ണത്തിലേക്ക് നടന്നെത്തി ബെസ്‌ലിന്‍ കെ.സ്റ്റീവി. പെരുമ്പാവൂര്‍ ആശ്രമം എച്ച്എസ്എസിലെ പ്ലസ്ടു വിദ്യാര്‍ഥിനിയായ ബെസ്‌ലിന്‍ 3000 മീറ്റര്‍ നടത്തത്തില്‍ 20 മിനിട്ട് 15.5 സെക്കൻഡില്‍ നടന്നെത്തിയാണ് സ്വര്‍ണം സ്വന്തമാക്കിയത്.
കഴിഞ്ഞവര്‍ഷം രണ്ടാം സ്ഥാനത്ത് എത്താനേ കഴിഞ്ഞുള്ളൂ. അതിനു മുമ്പുള്ള വര്‍ഷങ്ങളില്‍ സ്വര്‍ണം നേടിയിട്ടുണ്ടെന്ന് ഒമ്പതാം ക്ലാസ് മുതല്‍ ഇതേയിനത്തില്‍ മത്സരിക്കുന്ന ബെസ്‌ലിന്‍ പറയുന്നു. ദിവസവും കുറഞ്ഞത് രണ്ടു മണിക്കൂറെങ്കിലും പരിശീലനം നടത്തും. ഐമുറി കല്ലൂക്കാടന്‍ സ്റ്റീവി-ഡെയ്‌സി ദമ്പതികളുടെ മകളാണ്.