അടച്ചിട്ട പാ​ല​ങ്ങ​ളി​ലെ ന​വീ​ക​ര​ണ ജോ​ലി​ക​ൾ പ്ര​ഹ​സ​ന​മാ​കു​ന്ന​താ​യി ആ​ക്ഷേ​പം
Wednesday, October 23, 2024 4:17 AM IST
മ​ര​ട്: ടാ​റിം​ഗ് ജോ​ലി​ക​ൾ ആ​രം​ഭി​ച്ച അ​ല​ക്സാ​ണ്ട​ർ പ​റ​മ്പി​ത്ത​റ പാ​ല​ത്തി​ൽ ന​ട​ക്കു​ന്ന പ്ര​വൃ​ത്തി​ക​ൾ പ്ര​ഹ​സ​ന​മാ​കു​ന്ന​താ​യി ആ​ക്ഷേ​പം. പൊ​തു​ജ​ന​ങ്ങ​ളെ ബു​ദ്ധി​മു​ട്ടി​ച്ച് ഒ​രു മാ​സ​ക്കാ​ല​ത്തേ​യ്ക്ക് പാ​ലം അ​ട​ച്ചി​ട്ട് ന​ട​ത്തു​ന്ന ടാ​റിം​ഗ് ജോ​ലി​ക​ളാ​ണ് നാ​ട്ടു​കാ​രെ ഇ​ളി​ഭ്യ​രാ​ക്കു​ന്ന രീ​തി​യി​ൽ ന​ട​ക്കു​ന്ന​ത്.

ജ​ർ​മ്മ​ൻ സാ​ങ്കേ​തി​ക വി​ദ്യ​യു​പ​യോ​ഗി​ച്ച് ഗു​ണ​നി​ല​വാ​ര​ത്തി​ൽ ടാ​റിം​ഗ് ജോ​ലി​ക​ൾ ന​ട​ത്തു​മെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞി​രു​ന്ന സ്ഥാ​ന​ത്താ​ണ് അ​രി​പ്പ​യു​ള്ള ടി​ന്നി​ൽ ടാ​റൊ​ഴി​ച്ച് കൈ​യ്ക്ക് വീ​ശി പാ​ല​ത്തി​ന്‍റെ പ്ര​ത​ല​ങ്ങ​ളി​ൽ വീ​ഴ്ത്തി പ​ഴ​യ​കാ​ല നാ​ട​ൻ സാ​ങ്കേ​തി​ക വി​ദ്യ​യു​ടെ ത​നി​യാ​വ​ർ​ത്ത​ന​വും പാ​ല​ത്തി​ൻ്റെ ചി​ല ഭാ​ഗ​ങ്ങ​ളി​ൽ അ​ര​ങ്ങേ​റു​ന്ന​ത്.

പാ​ല​ത്തി​ന്‍റെ കോ​ൺ​ക്രീ​റ്റി​ൽ നി​ന്നും പു​തി​യ ടാ​റിം​ഗ് ന​ട​ത്താ​നാ​യി പ​ഴ​യ ടാ​ർ മി​ശ്രി​തം മി​ല്ലിം​ഗ് ന​ട​ത്തി മു​ഴു​വ​നാ​യി നീ​ക്കു​മെ​ന്ന് പ​റ​ഞ്ഞി​രു​ന്നെ​ങ്കി​ലും അ​തും ഭാ​ഗി​ക​മാ​യാ​ണ് പൂ​ർ​ത്തി​യാ​ക്കി​യ​തെ​ന്നാ​ണ് പ​റ​യു​ന്ന​ത്. പാ​ല​ത്തി​ന്‍റെ പ​ല ഭാ​ഗ​ങ്ങ​ളി​ലും പ​ഴ​യ ടാ​റിം​ഗി​ന്‍റെ മു​ക​ളി​ൽ പു​തി​യ മി​ശ്രി​തം ഒ​ഴി​ക്കു​ക​യാ​ണെ​ന്ന് ആ​ക്ഷേ​പ​മു​ണ്ട്.

പാ​ല​ത്തി​ൽ നി​ന്നു​ള്ള വെ​ള്ളം ഒ​ഴു​കി​പ്പോ​കു​വാ​നാ​യി സ്ഥാ​പി​ച്ച ഗ്രി​ല്ലു​ക​ൾ തു​രു​മ്പെ​ടു​ത്ത് ന​ശി​ച്ചെ​ങ്കി​ലും അ​വ​യ്ക്ക് മു​ക​ളി​ലൂ​ടെ​യും ടാ​ർ മി​ശ്രി​തം ഒ​ഴി​ച്ചു പോ​കു​ക​യാ​ണ്. പു​തി​യ ഗ്രി​ല്ലു​ക​ൾ​ക്കു​ള്ള തു​ക എ​സ്റ്റി​മേ​റ്റി​ൽ ഇ​ല്ലെ​ന്നാ​ണ്‌ ജോ​ലി​ക്കാ​ർ പ​റ​യു​ന്ന​ത്.


പൊ​ള്ള​യാ​യ പാ​ളി​യാ​യി അ​വ​ശേ​ഷി​ക്കു​ന്ന പ​ഴ​യ ടാ​റിം​ഗിന്‍റെ മു​ക​ളി​ൽ ഏ​ത് സാ​ങ്കേ​തി​ക വി​ദ്യ​യു​പ​യോ​ഗി​ച്ച് ടാ​റിം​ഗ് ജോ​ലി​ക​ൾ ന​ട​ത്തി​യാ​ലും ഒ​രു മാ​സ​ത്തി​നു​ള​ളി​ൽ പാ​ലം പ​ഴ​യ സ്ഥി​തി​യി​ലും മോ​ശ​മാ​യി മാ​റു​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

ഇ​തോ​ടൊ​പ്പം അ​ട​ച്ചി​ട്ടി​രി​ക്കു​ന്ന കു​ണ്ട​ന്നൂ​ർ - തേ​വ​ര പാ​ല​ത്തി​ൽ ടാ​റിം​ഗ് ജോ​ലി​ക​ൾ ഇ​തു​വ​രെ ആ​രം​ഭി​ച്ചി​ട്ടി​ല്ല. അ​ല​ക്സാ​ണ്ട​ർ പ​റ​മ്പി​ത്ത​റ പാ​ല​ത്തി​നോ​ടൊ​പ്പം ആ​ദ്യം ചെ​യ്ത മി​ല്ലിം​ഗ് ജോ​ലി​ക​ൾ മാ​ത്ര​മാ​ണ് കു​ണ്ട​ന്നൂ​ർ-തേ​വ​ര പാ​ല​ത്തി​ൽ ന​ട​ന്നി​ട്ടു​ള്ള​ത്. അ​റ്റ​കു​റ്റ​പ്പ​ണി​ക​ൾ​ക്കാ​യി ഒ​ന്ന​ര മാ​സം മു​ൻ​പ് മുന്നു ദി​വ​സം അ​ട​ച്ചി​ട്ട് തീ​രെ നി​ല​വാ​ര​മി​ല്ലാ​ത്ത ജോ​ലി​ക​ൾ ന​ട​ത്തി പാ​ലം ആ​ദ്യ​ത്തേ​തി​ലും മോ​ശ​മാ​യ​പ്പോ​ഴാ​ണ് സ​മ്പൂ​ർ​ണ ടാ​റിം​ഗി​നാ​യി ഒ​രു മാ​സ​ക്കാ​ല​ത്തേ​യ്ക്ക് പാ​ല​ങ്ങ​ൾ പൂ​ർ​ണ​മാ​യി അ​ട​ച്ചി​ട്ട​ത്.