കൊ​ച്ചി​യി​ൽ എ​സ്എ​ഫ്ഐ-കെ​എ​സ്‌​യു സം​ഘ​ർ​ഷം; ഒ​മ്പ​ത് പേ​ർ​ക്ക് പ​രി​ക്ക്
Wednesday, October 23, 2024 4:17 AM IST
മ​ട്ടാ​ഞ്ചേ​രി: കൊ​ച്ചി​ൻ കോ​ള​ജി​ലെ തെ​ര​ഞ്ഞെ​ടു​പ്പി​നെ ചൊ​ല്ലി കൊ​ച്ചി​യി​ൽ എ​സ്എ​ഫ്ഐ-കെ​എ​സ്‌​യു സം​ഘ​ർ​ഷം.​ സം​ഘ​ർ​ഷ​ത്തി​ൽ പ​രി​ക്കേ​റ്റ് ക​രു​വേ​ലി​പ്പ​ടി സ​ർ​ക്കാ​ർ ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന കെ​എ​സ്‌​യു ​പ്ര​വ​ർ​ത്ത​ക​രെ എ​സ്എ​ഫ്ഐ പ്ര​വ​ർ​ത്ത​ക​ർ ആ​ശു​പ​ത്രി​യി​ൽ ക​യ​റി മ​ർ​ദി​ച്ച​തോ​ടെ ആ​ശു​പ​ത്രി പ​രി​സ​രം സം​ഘ​ർ​ഷ​ഭൂ​മി​യാ​യി.

കൊ​ച്ചി​ൻ കോ​ള​ജി​ലാ​ണ് ആ​ദ്യം സം​ഘ​ർ​ഷം തു​ട​ങ്ങി​യ​ത്. പി​ന്നീ​ട് അ​മ്മാ​യി​മു​ക്കി​ൽ വെ​ച്ചും ഇ​രു വി​ഭാ​ഗ​വും ത​മ്മി​ൽ ഏ​റ്റു​മു​ട്ടി. ഇ​തി​ൽ അ​ഞ്ച് എ​സ്എ​ഫ്ഐ പ്ര​വ​ർ​ത്ത​ക​ർ​ക്കും നാ​ല് കെ​എ​സ്‌​യു പ്ര​വ​ർ​ത്ത​ക​ർ​ക്കും പ​രി​ക്കേ​റ്റി​രു​ന്നു.

ഇ​വ​രെ ക​രു​വേ​ലി​പ്പ​ടി സ​ർ​ക്കാ​ർ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. അ​ർ​ജു​ൻ, ശ​ബ​രീ​ഷ്, നി​ഖി​ൽ, അ​ൻ​സാ​രി, അ​ലി​യാ​ർ എ​ന്നീ എ​സ്എ​ഫ്ഐ പ്ര​വ​ർ​ത്ത​ക​രും അ​ൽ അ​മീ​ൻ, ന​ഫീ​ദ് എ​ന്നി​വ​ർ ഉ​ൾ​പെ​ടെ നാ​ല് കെ​എ​സ്‌​യു പ്ര​വ​ർ​ത്ത​ക​രു​മാ​ണ് പ​രി​ക്കേ​റ്റ് ചി​കി​ത്സ തേ​ടി​യ​ത്.

പ​രി​ക്കേ​റ്റ അ​ർ​ജു​ൻ, നി​ഖി​ൽ എ​ന്നീ എ​സ്എ​ഫ്ഐ പ്ര​വ​ർ​ത്ത​ക​രെ എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ലേ​ക്ക് മാ​റ്റി. ഇ​തി​ന് പി​ന്നാ​ലെ ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന കെ​എ​സ്‌​യു ​പ്ര​വ​ർ​ത്ത​ക​രെ എ​സ്എ​ഫ്ഐ പ്ര​വ​ർ​ത്ത​ക​ർ ആ​ശു​പ​ത്രി​യി​ൽ ക​യ​റി അ​ക്ര​മി​ച്ചു. അ​ക്ര​മ​ത്തി​ൽ ചി​കി​ത്സ​യി​ൽ ക​ഴി​യു​ന്ന അ​ൽ അ​മീ​ൻ, ന​ഫീ​ദ് എ​ന്നി​വ​ർ​ക്ക് ഗു​രു​ത​ര​മാ​യി പ​രി​ക്കേ​റ്റി​ട്ടു​ണ്ട്.


അ​ക്ര​മ​ത്തി​ൽ ആ​ശു​പ​ത്രി​യി​ൽ താ​ഴ​ത്തെ വാ​ർ​ഡി​ലെ വാ​തി​ൽ ചി​ല്ല​ക​ൾ ത​ക​ർ​ന്നു. പ്ര​ശ്നം രൂ​ക്ഷ​മാ​യ​തോ​ടെ ആ​ശു​പ​ത്രി​യി​ൽ ചി​കി​ത്സ​യി​ൽ ഉ​ണ്ടാ​യി​രു​ന്ന മ​റ്റ് രോ​ഗി​ക​ളും കൂ​ട്ടി​രി​പ്പു​കാ​രും പു​റ​ത്തേ​ക്ക് ഓ​ടി.​ കു​ട്ടി​ക​ൾ ഉ​ൾ​പെ​ടെ ഭ​യ​ന്ന് നി​ല​വി​ളി​ച്ചു. ചി​കി​ത്സ​യി​ൽ ക​ഴി​ഞ്ഞി​രു​ന്ന കെ​എ​സ്‌​യു ​പ്ര​വ​ർ​ത്ത​ക​നാ​യ ന​ഫീ​ദി​നെ ആ​ശു​പ​ത്രി വ​ള​പ്പി​ലേ​ക്ക് വ​ലി​ച്ചി​ഴ​ച്ച് കൊ​ണ്ട് പോ​യി ക്രൂ​ര​മാ​യി മ​ർ​ദി​ച്ച​താ​യും പ​റ​യു​ന്നു.

ഇ​ത്ത​വ​ണ​ത്തെ കോ​ള​ജ് യൂ​ണി​യ​ൻ തെ​ര​ഞ്ഞെ​ടു​പ്പി​ൽ എ​സ്എ​ഫ്ഐ​യു​ടെ കു​ത്ത​ക ത​ക​ർ​ത്ത് കെ​എ​സ്‌​യുവി​ജ​യി​ച്ചി​രു​ന്നു. ഇ​തേത്തു​ട​ർ​ന്നു​ള്ള ത​ർ​ക്ക​മാ​ണ് സം​ഘ​ർ​ഷ​ത്തി​ലെ​ത്തി​യ​ത്.
രാ​ത്രി​യി​ലും ഇ​രു വി​ഭാ​ഗ​വും ആ​ശു​പ​ത്രി പ​രി​സ​ര​ത്ത് നി​ല​യു​റ​പ്പി​ച്ചി​രി​ക്കു​ക​യാ​ണ്. മ​ട്ടാ​ഞ്ചേ​രി അ​സിസ്റ്റന്‍റ് കമ്മീഷണ​ർ പി.​ബി കി​ര​ണിന്‍റെ നേ​തൃ​ത്വ​ത്തി​ൽ വ​ൻ പോ​ലീ​സ് സം​ഘം ആ​ശു​പ​ത്രി​യി​ൽ ക്യാന്പ് ചെ​യ്യു​ന്നു​ണ്ട്.