ആ​ഫ്രി​ക്ക​ന്‍ ഒ​ച്ചു​ക​ളെക്കൊണ്ട് പൊ​റു​തി മു​ട്ടി നാ​ട്ടു​കാ​ര്‍; പ​രാ​തി​പ്പെ​ട്ടി​ട്ടും അ​ധി​കാ​രി​ക​ള്‍ക്ക് അ​ന​ക്ക​മി​ല്ല
Friday, October 18, 2024 6:18 AM IST
ക​ടു​ത്തു​രു​ത്തി: ആ​ഫ്രി​ക്ക​ന്‍ ഒ​ച്ചു​ക​ളെ കൊ​ണ്ട് പൊ​റു​തി​മു​ട്ടി നാ​ട്ടു​കാ​ര്‍. പ​രാ​തി​പ്പെ​ട്ടി​ട്ടും അ​ധി​കാ​രി​ക​ള്‍ക്ക് അ​ന​ക്ക​മി​ല്ല. ക​ടു​ത്തു​രു​ത്തി പ​ഞ്ചാ​യ​ത്തി​ലെ അ​ഞ്ചാം വാ​ര്‍ഡാ​യ അ​ല​രി​യി​ലാ​ണ് ആ​ഫ്രി​ക്ക​ന്‍ ഒ​ച്ചു​ക​ള്‍ നാ​ട്ടു​കാ​രു​ടെ ഉ​റ​ക്കം കെ​ടു​ത്തു​ന്ന​ത്. മ​ഴ​യു​ള്ള ദി​വ​സ​ങ്ങ​ളി​ല്‍ പി​റ്റേ​ന്ന് വീ​ടു​ക​ളു​ടെ ഭി​ത്തി​ക​ളി​ലും സി​റ്റൗ​ട്ടി​ലും മു​റ്റ​ത്തും ചെ​ടി​ക​ളി​ലും മ​ര​ങ്ങ​ളി​ലും മ​തി​ലു​ക​ളി​ലും എ​ന്ന് വേ​ണ്ട എ​ല്ലാ​യി​ട​ത്തും ഒ​ച്ചു​ക​ള്‍ വ്യാ​പി​ച്ചി​രി​ക്കും.

പു​ല​ര്‍ച്ചെ മു​ത​ല്‍ പു​റ​ത്തി​റ​ങ്ങി ഇ​വ​യെ തോ​ണ്ടി​യെ​ടു​ത്ത് ന​ശി​പ്പി​ക്കു​ക​യാ​ണ് വീ​ട്ടു​കാ​രു​ടെ പ​ണി. മ​ഴ​ക്കാ​ലം ആ​രം​ഭി​ച്ച​തു മു​ത​ല്‍ ദി​വ​സ​വും രാ​വി​ലെ പു​ര​യി​ട​ത്തി​ല്‍ നി​ന്നും ഒ​ച്ചു​ക​ളെ ക​ണ്ടെ​ത്തി ഉ​പ്പി​ട്ട് ന​ശി​പ്പി​ക്കു​ക​യാ​ണ് വീ​ട്ടു​കാ​ർ. മു​ക​ള്‍ പ്ര​ദേ​ശ​ത്ത് വ്യാ​പി​ച്ചി​രി​ക്കു​ന്ന ഒ​ച്ചു​ക​ള്‍ മ​ഴ​വെ​ള്ള​ത്തി​ല്‍ ഒ​ഴു​കി​യെ​ത്തി​യ​താ​ണെ​ന്ന് ക​രു​തു​ന്നു. പ​ഞ്ചാ​യ​ത്തി​ന്‍റെ വി​വി​ധ പ്ര​ദേ​ശ​ങ്ങ​ളി​ലും ആ​ഫ്രി​ക്ക​ന്‍ ഒ​ച്ചു​ക​ളെ ക​ണ്ടെ​ത്തി​യി​ട്ടു​ണ്ട്.


ഒ​രു വ​ര്‍ഷ​ത്തി​ലേ​റേ​യാ​യി ഒ​ച്ചു​ക​ള്‍ ഏ​ല്ലാ​യി​ട​ത്തു​മാ​യി വ്യാ​പി​ച്ചു വ​രി​ക​യാ​ണെ​ങ്കി​ലും ഇ​ക്കാ​ര്യം കൃ​ഷിവ​കു​പ്പോ, പ​ഞ്ചാ​യ​ത്തോ, ആ​രോ​ഗ്യ​വ​കു​പ്പോ അ​റി​ഞ്ഞ​താ​യി പോ​ലും ന​ടി​ക്കു​ന്നി​ല്ല. എ​ത്ര​യും വേ​ഗം ഒ​ച്ചി​നെ ന​ശി​പ്പി​ക്കാ​നു​ള്ള മാ​ര്‍ഗ​ങ്ങ​ള്‍ ന​ട​പ്പി​ലാ​ക്ക​ണ​മെ​ന്നാ​ണ് നാ​ട്ടു​കാ​ര്‍ പ​റ​യു​ന്ന​ത്. ഒ​ച്ചി​നെ കൂ​ട്ട​ത്തോ​ടെ നി​ര്‍മാ​ര്‍ജ​നം ചെ​യ്യു​ന്ന​തി​നു​ള്ള ന​ട​പ​ടി​ക​ള്‍ സ്വീ​ക​രി​ക്ക​ണ​മെ​ന്നും നാ​ട്ടു​കാ​ര്‍ ആ​വ​ശ്യ​പ്പെടു​ന്നു.