ഉഴവൂർ: പഞ്ചായത്തിൽ ഒരു കോടി ഫലവൃക്ഷത്തൈകൾ വിതരണം ചെയ്യുന്നതിന്‍റെ ഭാഗമായി ടിഷ്യുകൾച്ചർ വാഴത്തൈകൾ വിതരണം ചെയ്തു. ജില്ലാ കൃഷിത്തോട്ടത്തിൽ നിന്നാണ് വാഴത്തൈകൾ ലഭ്യമാക്കിയത്.
വാഴത്തൈകളുടെ വിതരണോദ്ഘാടനം പഞ്ചായത്ത് പ്രസിഡന്‍റ് കെ.എം തങ്കച്ചൻ നിർവഹിച്ചു. പഞ്ചായത്ത് വൈസ് പ്രസിഡന്‍റ് ബിനു ജോസ് തൊട്ടിയിൽ, പഞ്ചായത്തംഗങ്ങളായ ജസീന്ത പൈലി, വി.ടി സുരേഷ്, ഏലിയാമ്മ കുരുവിള, കാർഷികവികസനസമിതിയംഗം ഷെറി മാത്യു, കൃഷി ഓഫീസർ തെരേസ അലക്‌സ് എന്നിവർ പ്രസംഗിച്ചു.