എ​ല്ലാ​വ​ർ​ക്കും പ​ട്ട​യം സ​ർ​ക്കാ​ർ ല​ക്ഷ്യം: മ​ന്ത്രി കെ. ​രാ​ജ​ൻ
Friday, October 18, 2024 4:58 AM IST
മു​ണ്ട​ക്ക​യം: സം​സ്ഥാ​ന​ത്തെ കൈ​വ​ശം ഭൂ​മി​യു​ള്ള മു​ഴു​വ​ൻ കൃ​ഷി​ക്കാ​ർ​ക്കും പ​ട്ട​യം ന​ൽ​കാ​നാ​ണ് സ​ർ​ക്കാ​ർ ല​ക്ഷ്യ​മി​ടു​ന്ന​തെ​ന്ന് റ​വ​ന്യു മ​ന്ത്രി കെ. ​രാ​ജ​ൻ. മ​ല​യോ​ര മേ​ഖ​ല​യി​ലെ പ​ട്ട​യവി​ത​ര​ണ​ത്തി​നാ​യി മു​ണ്ട​ക്ക​യ​ത്ത് പു​ത്ത​ൻ​ച​ന്ത​യി​ൽ ആ​രം​ഭി​ച്ച സ്പെ​ഷ​ൽ താ​ഹ​സി​ൽ​ദാ​ർ ഓ​ഫീ​സി​ന്‍റെ​യും ജി​ല്ലാ​ത​ല പ​ട്ട​യ ​മേ​ള​യു​ടെ​യും ഉ​ദ്ഘാ​ട​നം നി​ർ​വ​ഹി​ച്ച് പ്ര​സം​ഗി​ക്കു​ക​യാ​യി​രു​ന്നു മ​ന്ത്രി.

പ്ര​ത്യേ​ക​മാ​യ പ​ട്ട​യ മി​ഷ​ൻ രൂ​പീ​ക​രി​ച്ചി​ട്ടു​ണ്ടെ​ന്നും ഇ​തി​നോ​ട​കം ഒ​ന്ന​ര​ല​ക്ഷം പ​ട്ട​യം ന​ൽ​കിക്ക​ഴി​ഞ്ഞി​ട്ടു​ണ്ടെ​ന്നും മ​ന്ത്രി പ​റ​ഞ്ഞു. സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം​എ​ൽ​എ അ​ധ്യ​ക്ഷ​ത വ​ഹി​ച്ചു. ജി​ല്ലാ ക​ള​ക്ട​ർ ജോ​ൺ വി. ​സാ​മു​വ​ൽ ഐ​എ​എ​സ്, ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് കെ.​വി. ബി​ന്ദു, സ​ബ് ക​ള​ക്ട​ർ ഡി.​ ര​ഞ്ജി​ത്ത് ഐ​എ​എ​സ്, അ​ഡീ​ഷ​ണ​ൽ ജി​ല്ലാ മ​ജി​സ്ട്രേ​റ്റ് ബീ​ന പി. ​ആ​ന​ന്ദ്, ജി​ല്ലാ ആ​സൂ​ത്ര​ണ സ​മി​തി അം​ഗം കെ. ​രാ​ജേ​ഷ്, ത്രി​ത​ല പ​ഞ്ചാ​യ​ത്ത് ജ​ന​പ്ര​തി​നി​ധി​ക​ൾ എ​ന്നി​വ​ർ പ്ര​സം​ഗി​ച്ചു.


എ​രു​മേ​ലി വ​ട​ക്ക്, കോ​രു​ത്തോ​ട്, എ​രു​മേ​ലി തെ​ക്ക് എ​ന്നീ മൂ​ന്ന് വി​ല്ലേ​ജു​ക​ളി​ലെ ജ​ന​ങ്ങ​ൾ​ക്കു​ള്ള പ​ട്ട​യ വി​ത​ര​ണം വേ​ഗ​ത്തി​ൽ പൂ​ർ​ത്തി​യാ​ക്കു​ന്ന​തി​നു​വേ​ണ്ടി​യാ​ണ് മു​ണ്ട​ക്ക​യ​ത്ത് പു​ത്ത​ൻ​ച​ന്ത​യി​ൽ സ്പെ​ഷ​ൽ ത​ഹ​സി​ൽ​ദാ​ർ ഓ​ഫീ​സ് ആ​രം​ഭി​ക്കു​ന്ന​ത്.

ഒ​രു ത​ഹ​സി​ൽ​ദാ​ർ, ര​ണ്ട് ഡെ​പ്യൂ​ട്ടി ത​ഹ​സി​ൽ​ദാ​ർ​മാ​ർ, ആ​റ് സ​ർ​വേ​യ​ർ​മാ​ർ ഉ​ൾ​പ്പെ​ടെ​യു​ള്ള​വ​രു​ടെ സേ​വ​ന​മാ​കും ഇ​വി​ടെ ല​ഭി​ക്കു​ക. പ​ട്ടി​ക​ജാ​തി, പ​ട്ടി​ക​വ​ർ​ഗ ജ​ന​വി​ഭാ​ഗ​ങ്ങ​ൾ കൂ​ടു​ത​ലാ​യി അ​ധി​വ​സി​ക്കു​ന്ന മേ​ഖ​ല​യി​ലെ ആ​ളു​ക​ൾ​ക്കു പ​ര​മാ​വ​ധി ഒ​രു വ​ർ​ഷ​ത്തി​നു​ള്ളി​ൽ പ​ട്ട​യം ന​ൽ​കു​ന്ന​തി​നാ​ണ് ല​ക്ഷ്യ​മി​ട്ടി​രി​ക്കു​ന്ന​തെ​ന്നും എം​എ​ൽ​എ അ​റി​യി​ച്ചു.