അകലക്കുന്നം: പുതുപ്പള്ളി നിയോജകമണ്ഡലത്തിലെ മൂഴൂർ ഗവൺമെന്‍റ് ആയുർവേദ ആശുപത്രിക്ക് മുൻ മുഖ്യമന്ത്രി ഉമ്മൻ ചാണ്ടിയുടെ പേരു നൽകണമെന്നാവശ്യപ്പെട്ട് കർഷക കോൺഗ്രസ് അകലക്കുന്നം മണ്ഡലം കമ്മിറ്റി മന്ത്രി വീണാ ജോർജിന് നിവേദനം നൽകി.
ഉമ്മൻ ചാണ്ടിയുടെ ആസ്തി വികസന ഫണ്ടിൽനിന്നും ഒരു കോടി രൂപയും ജോസ് കെ. മാണി എംപി അനുവദിച്ച 22 ലക്ഷം രൂപയും ഉപയോഗിച്ചാണ് ആശുപത്രി കെട്ടിടം നിർമിച്ചത്. കർഷക കോൺഗ്രസ് സംസ്ഥാന സമിതിയംഗം വിനോദ് മഞ്ഞാമറ്റം, എം.ജെ. തോമസ് മാമ്പുഴയ്ക്കൽ എന്നിവർ ചേർന്നാണ് നിവേദനം നൽകിയത്.