തിരുവനന്തപുരം: പ്രേംനസീര്‍ സുഹൃദ് സമിതിയുടെ ആറാമത് പ്രേംനസീര്‍ അരീയ്ക്കല്‍ ആയുര്‍വേദ ഹോസ്പിറ്റല്‍ മാധ്യമ പുരസ്കാരം ദീപിക കോട്ടയം യൂണിറ്റിലെ സീനിയര്‍ സബ് എഡിറ്റര്‍ പ്രദീപ് ഗോപിക്ക്.
സംസ്ഥാനത്തുണ്ടാകുന്ന കുട്ടികളുടെ തിരോധാനങ്ങളെക്കുറിച്ച് 2023 ഡിസംബര്‍ ആറു മുതല്‍ 11 വരെ രാഷ്‌ട്രദീപികയില്‍ പ്രസിദ്ധീകരിച്ച "കാണാതാകുന്ന കണ്മണികള്‍’ എന്ന ലേഖന പരമ്പരയ്ക്കാണ് മികച്ച ക്രൈം റിപ്പോര്‍ട്ടിംഗിനുള്ള പുരസ്കാരം പ്രദീപ് ഗോപിക്കു ലഭിച്ചത്. അടുത്ത മാസം അവസാനം തിരുവനന്തപുരത്ത് സ്പീക്കര്‍ എം.എന്‍. ഷംസീര്‍ പുരസ്കാരങ്ങള്‍ സമ്മാനിക്കുമെന്നു സെക്രട്ടറി തെക്കന്‍ സ്റ്റാര്‍ ബാദുഷ അറിയിച്ചു.