കൊ​ട്ടി​യൂ​ർ-വ​യ​നാ​ട് ചു​രം പാ​ത​യി​ൽ ഗ​താ​ഗ​ത​ക്കുരു​ക്ക് രൂ​ക്ഷ​ം
Sunday, September 22, 2024 8:01 AM IST
കേ​ള​കം: കൊ​ട്ടി​യൂ​ര്‍-​വ​യ​നാ​ട് ചു​രം പാ​ത​യി​ല്‍ മ​ണി​ക്കൂ​റു​ക​ള്‍ നീ​ളു​ന്ന ഗ​താ​ഗ​ത​ക്കു​രു​ക്കി​ല്‍പ്പെ​ട്ട് യാ​ത്ര​ക്കാ​ര്‍ ദു​രി​ത​ത്തി​ൽ. വി​ള്ള​ല്‍ വീ​ണ് ഗ​ര്‍​ത്ത​മാ​യ ത​ല​ശേ​രി-ബാ​വ​ലി അ​ന്ത​ര്‍ സം​സ്ഥാ​ന​പാ​ത​യി​ല്‍ പേ​രി​യ ചു​രം വ​ഴി​യു​ള്ള ഗ​താ​ഗ​തം പൂ​ര്‍​ണ​മാ​യി നി​രോ​ധി​ച്ച​തോ​ടെ​യാ​ണ് കൊ​ട്ടി​യൂ​ര്‍-​പാ​ല്‍​ച്ചു​രം-ബോ​യ്‌​സ് ടൗ​ണ്‍ ചു​രം പാ​ത​യി​ല്‍ വാ​ഹ​ന​ത്തി​ര​ക്കേ​റി​യ​ത്.

ദീ​ര്‍​ഘ​ദൂ​ര ബ​സു​ക​ള്‍, ടൂ​റി​സ്റ്റ് വാ​ഹ​ന​ങ്ങ​ള്‍, ച​ര​ക്കു​വാ​ഹ​ന​ങ്ങ​ള്‍, ചെ​ങ്ക​ല്‍ ലോ​റി​ക​ള്‍ ഉ​ള്‍​പ്പെ​ടെ നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് പാ​ത​യി​ലൂ​ടെ ക​ട​ന്നു​പോ​കു​ന്ന​ത്. ഇ​ടു​ങ്ങി​യ പാ​ത​യി​ല്‍ വാ​ഹ​ന​ങ്ങ​ൾ കു​ടു​ങ്ങി​ക്കി​ട​ക്കു​ന്പോ​ഴും കു​രു​ക്ക​ഴി​ക്കാ​ൻ പോ​ലീ​സു​കാ​രു​ടെ സേ​വ​നം ല​ഭി​ക്കാ​റി​ല്ലെ​ന്നും പ​രാ​തി​യു​ണ്ട്.

ആ​ശ്ര​മം ജം​ഗ്ഷ​ൻ മു​ത​ൽ ചെ​കു​ത്താ​ൻ​തോ​ട് വ​രെ​യു​ള്ള പ്ര​ദേ​ശ​ത്ത് ഒ​രേ​സ​മ​യം ര​ണ്ടു വ​ലി​യ വാ​ഹ​ന​ങ്ങ​ൾ​ക്ക് ക​ട​ന്നു​പോ​കാ​ൻ ക​ഴി​യാ​ത്ത അ​വ​സ്ഥ​യാ​ണ്. ചെ​കു​ത്താ​ൻ തോ​ടി​നു സ​മീ​പ​ത്തെ കോ​ൺ​ക്രീ​റ്റ് റോ​ഡ് ക​ഴി​ഞ്ഞ ഭാ​ഗ​ത്ത് ഒ​രേ​സ​മ​യം ഒ​രു ചെ​റി​യ വാ​ഹ​ന​ത്ത് ക​ട​ന്നു പോ​കാ​നു​ള്ള വീ​തി​യു​മേ​യു​ള്ളു. ഭാ​രം ക​യ​റ്റി​യ വ​ലി​യ വാ​ഹ​ന​ങ്ങ​ൾ ക​യ​റ്റം ക​യ​റി വ​രു​ന്പോ​ൾ ചു​രം ഇ​റ​ങ്ങി വ​രു​ന്ന വാ​ഹ​ന​ങ്ങ​ൾ അ​രി​കു ചേ​ർ​ത്ത് നി​ർ​ത്തി​യി​ടു​ന്പോ​ൾ ഇ​തി​നു പി​ന്നി​ൽ വ​ലി​യ നി​ര​യാ​ണ് രൂ​പ​പ്പെ​ടാ​റ്. അ​ടി​യ​ന്ത​ര സാ​ഹ​ച​ര്യ​ത്തി​ൽ വ​യ​നാ​ട്ടിലേ​യ്ക്ക​ട​ക്കം പോ​കു​ന്ന ആം​ബു​ല​ൻ​സ് ഉ​ൾ​പ്പെ​ടെ​യു​ള്ള​വ​യും കു​രു​ക്കി​ൽ പെ​ടു​ക​യാ​ണ്.


വ​യ​നാ​ട് അ​തി​ര്‍​ത്തി​ ത​ല​പ്പു​ഴ പോ​ലീ​സി​ന്‍റെ​യും ക​ണ്ണൂ​ര്‍ അ​തി​ര്‍​ത്തി കേ​ള​കം പോ​ലീ​സി​ന്‍റെ​യും പ​രി​ധി​യി​ലാ​ണെ​ന്ന​തി​നാ​ൽ കു​രു​ക്ക് ഉ​ണ്ടാ​വു​ന്പോ​ൾ ആ​രാ​ണ് ഇ​ട​പെ​ടേ​ണ്ട​തെ​ന്ന കാ​ര്യ​ത്തി​ലു​ള്ള ശീ​ത​സ​മ​ര​വും കു​രു​ക്ക് മു​റു​ക്കാ​നി​ട​യാ​ക്കു​ന്നു​ണ്ട്. പാ​ൽ​ച്ചു​ര​ത്തും വ​യ​നാ​ട് അ​തി​ര്‍​ത്തി​യാ​യ ചെ​കു​ത്താ​ന്‍ തോ​ടി​നു സ​മീ​പ​ത്തും ഓ​രോ പോ​ലീ​സു​കാ​രെ​യെ​ങ്കി​ലും നി​യോ​ഗി​ച്ചാ​ല്‍ ത​ന്നെ ഒ​രു പ​രി​ധി​വ​രെ ഗ​താ​ഗ​തം സു​ഗ​മ​മാ​കു​മെ​ന്നാ​ണ് യാ​ത്ര​ക്കാ​ർ പ​റ​യു​ന്ന​ത്. പോ​ലീ​സി​ന്‍റെ സാ​ന്നി​ധ്യ​മു​ണ്ടെ​ന്ന് വ​ന്നാ​ൽ തോ​ന്നി​യ​തു പോ​ലു​ള്ള ഡ്രൈ​വിം​ഗും നി​യ​ന്ത്രി​ക്കാ​നാ​കും.

ക​ഴി​ഞ്ഞദി​വ​സം രാ​വി​ലെ മു​ത​ല്‍ പാ​ത​യി​ല്‍ ഗ​താ​ഗ​ത സ്തം​ഭ​ന​മു​ണ്ടാ​യാ​ലും ത​ട​സം നീ​ക്കാ​ന്‍ അ​ധി​കൃ​ത​ര്‍ ആ​രും എ​ത്തി​യി​ല്ലെ​ന്ന് നാ​ട്ടു​കാ​ര്‍ പ​റ​ഞ്ഞു. മ​ണി​ക്കൂ​റു​ക​ള്‍ ഇ​ട​വി​ട്ട് പാ​ത​യി​ല്‍ ഗ​താ​ഗ​ത സ്തം​ഭ​നം തു​ട​രു​ന്ന കാ​ഴ്ച​യാ​ണ് ആ​ഴ്ച​ക​ളാ​യി തു​ട​രു​ന്ന​ത്.

ജൂ​ലൈ 30നാ​ണ് ത​ല​ശേ​രി ബാ​വ​ലി അ​ന്ത​ര്‍സം​സ്ഥാ​ന പാ​ത​യി​ല്‍ ചു​രം വ​ഴി​യു​ള്ള ഗ​താ​ഗ​തം പൂ​ര്‍​ണ​മാ​യി നി​രോ​ധി​ച്ച​ത്. ക​ന​ത്ത മ​ഴ​യെ തു​ട​ര്‍​ന്ന് ത​ല​ശേ​രി-ബാ​വ​ലി റോ​ഡി​ലെ വ​യ​നാ​ട് അ​തി​ര്‍​ത്തി​യോ​ട് ചേ​ര്‍​ന്നു​ള്ള ഭാ​ഗ​ത്ത് റോ​ഡി​ല്‍ വ​ലി​യ വി​ള്ള​ല്‍ രൂ​പ​പ്പെ​ട്ടി​രു​ന്നു. ഇ​തേ​ത്തു​ട​ര്‍​ന്ന് അ​പ​ക​ട​സാ​ധ്യ​ത ക​ണ​ക്കി​ലെ​ടു​ത്ത് ഇ​തു​വ​ഴി​യു​ള്ള ഗ​താ​ഗ​തം ജി​ല്ലാ ഭ​ര​ണ​കൂ​ടം നി​രോ​ധി​ച്ച​ത്.