കാ​സ​ർ​ഗോ​ഡ്: ദേ​ശീ​യ ക​ബ​ഡി താ​ര​വും കാ​യി​കാ​ധ്യാ​പി​ക​യു​മാ​യി​രു​ന്ന ബേ​ഡ​കം ചേ​രി​പ്പാ​ടി​യി​ലെ പ്രീ​തി (30) യു​ടെ മ​ര​ണ​വു​മാ​യി ബ​ന്ധ​പ്പെ​ട്ട് ഭ​ർ​ത്താ​വി​നും ഭ​ർ​തൃ​മാ​താ​വി​നും ഒ​മ്പ​തു വ​ർ​ഷ​വും ഏ​ഴു​വ​ർ​ഷ​വും വീ​തം ക​ഠി​ന​ത​ട​വും ര​ണ്ടു​ല​ക്ഷം രൂ​പ വീ​തം പി​ഴ​യും ശി​ക്ഷ വി​ധി​ച്ചു.

പ്രീ​തി​യു​ടെ ഭ​ർ​ത്താ​വും കേ​സി​ലെ ഒ​ന്നാം​പ്ര​തി​യു​മാ​യ വെ​സ്റ്റ് എ​ളേ​രി മാ​ങ്ങോ​ട്ടെ പു​റ​വ​ങ്ക​ര രാ​കേ​ഷ് കൃ​ഷ്ണ (38)യ്ക്ക് 306-ാം ​വ​കു​പ്പ് പ്ര​കാ​രം ഏ​ഴു വ​ർ​ഷം ക​ഠി​ന​ത​ട​വും 498 എ ​വ​കു​പ്പ് പ്ര​കാ​രം ര​ണ്ടു​വ​ർ​ഷം ക​ഠി​ന​ത​ട​വു​മാ​ണ് ശി​ക്ഷ. ര​ണ്ടു വ​കു​പ്പു​ക​ളി​ലും ഓ​രോ ല​ക്ഷം രൂ​പ വീ​തം പി​ഴ​യും വി​ധി​ച്ചി​ട്ടു​ണ്ട്. മൂ​ന്നാം​പ്ര​തി​യാ​യ രാ​കേ​ഷി​ന്‍റെ അ​മ്മ ശ്രീ​ല​ത​യ്ക്ക് 306-ാം വ​കു​പ്പ് പ്ര​കാ​രം അ​ഞ്ചു വ​ർ​ഷം ക​ഠി​ന​ത​ട​വും 498 എ ​വ​കു​പ്പ് പ്ര​കാ​രം ര​ണ്ടു​വ​ർ​ഷം ക​ഠി​ന​ത​ട​വും ര​ണ്ടു വ​കു​പ്പു​ക​ളി​ലു​മാ​യി ഓ​രോ ല​ക്ഷം രൂ​പ വീ​തം പി​ഴ​യു​മാ​ണ് ശി​ക്ഷ വി​ധി​ച്ച​ത്. പി​ഴ​യ​ട​ച്ചി​ല്ലെ​ങ്കി​ൽ ആ​റു​മാ​സം കൂ​ടി ത​ട​വ് അ​നു​ഭ​വി​ക്ക​ണം. കേ​സി​ലെ ര​ണ്ടാം പ്ര​തി​യാ​യി​രു​ന്ന രാ​കേ​ഷി​ന്‍റെ അ​ച്ഛ​ൻ ടി.​കെ.​ര​മേ​ശ​ൻ വി​ചാ​ര​ണ​യ്ക്കി​ടെ മ​രി​ച്ചി​രു​ന്നു.

ജി​ല്ലാ അ​ഡീ​ഷ​ണ​ൽ സെ​ഷ​ൻ​സ് ജ​ഡ്ജ് എ.​മ​നോ​ജാ​ണ് വി​ധി പ്ര​ഖ്യാ​പി​ച്ച​ത്. പ്രൊ​സി​ക്യൂ​ഷ​നു വേ​ണ്ടി അ​ഡീ​ഷ​ണ​ൽ ഗ​വ.​പ്ലീ​ഡ​ർ ഇ.​ലോ​ഹി​താ​ക്ഷ​നും അ​ഡ്വ.​ആ​തി​ര ബാ​ല​നും ഹാ​ജ​രാ​യി.
2017 ഓ​ഗ​സ്റ്റ് 18 നാ​ണ് പ്രീ​തി​യെ ചേ​രി​പ്പാ​ടി​യി​ലെ സ്വ​ന്തം വീ​ട്ടി​ൽ ച​വി​ട്ടു​പ​ടി​യു​ടെ കൈ​വ​രി​യി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ഭ​ർ​ത്താ​വു​മാ​യു​ണ്ടാ​യ പ്ര​ശ്ന​ങ്ങ​ൾ മൂ​ലം സ്വ​ന്തം വീ​ട്ടി​ൽ ക​ഴി​യു​ക​യാ​യി​രു​ന്നു. ഇ​വ​ർ​ക്ക് ഒ​രു മ​ക​ളു​ണ്ട്. 2008 മു​ത​ൽ നി​ര​വ​ധി ദേ​ശീ​യ ക​ബ​ഡി മ​ത്സ​ര​ങ്ങ​ളി​ൽ പ​ങ്കെ​ടു​ത്തി​രു​ന്ന പ്രീ​തി വെ​ള്ളൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ കാ​യി​കാ​ധ്യാ​പി​ക​യാ​യി​രു​ന്നു.