ക​ണ്ണൂ​ർ: ക​ണ്ണൂ​ര്‍-​ത​ല​ശേ​രി ദേ​ശീ​യ പാ​ത​യി​ലെ മേ​ലെ​ചൊ​വ്വ ജം​ഗ്ഷ​നി​ലെ ഗ​താ​ഗ​ത കു​രു​ക്ക് അ​ഴി​ക്കാ​നാ​യി നി​ർ​മി​ക്കു​ന്ന മേ​ലെ​ചൊ​വ്വ മേ​ൽ​പ്പാ​ല​ത്തി​ന്‍റെ നി​ർ​മാ​ണ പ്ര​വൃ​ത്തി ഉ​ദ്‌​ഘാ​ട​നം ഒ​ക്ടോ​ബ​ർ ര​ണ്ടി​ന് രാ​വി​ലെ 11.30ന് ​പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ് റി​യാ​സ് നി​ർ​വ​ഹി​ക്കും. മ​ന്ത്രി ക​ട​ന്ന​പ്പ​ള്ളി രാ​മ​ച​ന്ദ്ര​ൻ അ​ധ്യ​ക്ഷ​ത വ​ഹി​ക്കും.

ഊ​രാ​ളു​ങ്ക​ൽ ലേ​ബ​ർ കോ​ൺ​ട്രാ​ക്ട് കോ ​ഓ​പ്പ​റേ​റ്റീ​വ് സൊ​സൈ​റ്റി​യാ​ണ് മേ​ൽ​പ്പാ​ലം നി​ർ​മാ​ണ പ്ര​വൃ​ത്തി​ക്കു​ള്ള ടെ​ൻ​ഡ​ർ നേ​ടി​യ​ത്.

അ​പ്രോ​ച്ച് ഭാ​ഗ​ങ്ങ​ൾ ഉ​ൾ​പ്പെ​ടെ 424.60 മീ​റ്റ​ർ നീ​ള​വും സ​ർ​വീ​സ് റോ​ഡു​ൾ​പ്പെ​ടെ മൊ​ത്തം 24 മീ​റ്റ​ർ വീ​തി​യു​മു​ള്ള മേ​ൽ​പ്പാ​ല​മാ​ണ് ഇ​വി​ടെ ഉ​യ​രു​ക. നേ​ര​ത്തെ ഭൂ​മി ഏ​റ്റെ​ടു​ത്ത​തി​നു പു​റ​മേ മേ​ൽ​പ്പാ​ല​ത്തി​ന് അ​ധി​ക ഭൂ​മി ഏ​റ്റെ​ടു​ക്ക​ൽ പു​രോ​ഗ​മി​ക്കു​ക​യാ​ണ്. ഇ​വി​ടെ ആ​ദ്യം തീ​രു​മാ​നി​ച്ച അ​ണ്ട​ർ പാ​സി​ന് പ​ക​ര​മാ​യാ​ണ് മേ​ൽ​പ്പാ​ലം വ​രു​ന്ന​ത്.

2016 ജൂ​ൺ 27ന് ​മേ​ലെ​ചൊ​വ്വ ജം​ഗ്ഷ​നി​ൽ അ​ണ്ട​ർ​പാ​സ് നി​ർ​മി​ക്കു​ന്ന​തി​നാ​യാ​ണ് റോ​ഡ്സ് ആ​ൻ​ഡ് ബ്രി​ഡ്ജ​സ് ഡെ​വ​ല​പ്പ്മെ​ന്‍റ് കോ​ർ​പ​റേ​ഷ​ൻ കേ​ര​ള (ആ​ർ​ബി​ഡി​സി​കെ)​യെ സ്പെ​ഷ​ൽ പ​ർ​പ്പ​സ് വെ​ഹി​ക്കി​ളാ​യി കേ​ര​ള സ​ർ​ക്കാ​ർ നി​യ​മി​ച്ച​ത്. 2018 ജ​നു​വ​രി 20ന് ​കി​ഫ്ബി 27.59 കോ​ടി രൂ​പ അ​നു​വ​ദി​ച്ച് ര​ണ്ടു വ​രി അ​ടി​പ്പാ​ത​യ്ക്ക് ഫ​ണ്ട് അ​നു​വ​ദി​ച്ചു. സ്ഥ​ലം ഏ​റ്റെ​ടു​ക്ക​ൽ ആ​രം​ഭി​ക്കു​ക​യും 2021 ഡി​സം​ബ​ർ 20ന് ​കൈ​വ​ശ​പ്പെ​ടു​ത്തു​ക​യും ചെ​യ്തു. എ​ന്നാ​ൽ കേ​ര​ള വാ​ട്ട​ർ അ​തോ​റി​റ്റി​യു​ടെ പൈ​പ്പ് ലൈ​നു​ക​ൾ മാ​റ്റു​ന്ന​തി​ലെ പ്ര​ശ്‌​ന​ങ്ങ​ൾ കാ​ര​ണം, അ​ടി​പ്പാ​ത​യ്ക്ക് പ​ക​രം ഒ​രു മേ​ൽ​പ്പാ​ലം നി​ർ​മി​ക്കാ​ൻ തീ​രു​മാ​നി ക്കു​ക​യും 2023 ഫെ​ബ്രു​വ​രി 16ന് ​പു​തി​യ ഭ​ര​ണാ​നു​മ​തി ന​ൽ​കു​ക​യും ചെ​യ്തു.

2023 ഒ​ക്ടോ​ബ​ർ 11ന് ​കി​ഫ്ബി പു​തി​യ മേ​ൽ​പ്പാ​ല​ത്തി​ന് 44.71 കോ​ടി രൂ​പ​യ്ക്ക് സാ​മ്പ​ത്തി​ക അ​നു​മ​തി ന​ൽ​കി. 2024 ജ​നു​വ​രി 29 ന് 31.98 ​കോ​ടി രൂ​പ​ക്ക് സാ​ങ്കേ​തി​ക അ​നു​മ​തി ന​ൽ​കാ​ൻ ടെ​ക്നി​ക്ക​ൽ ക​മ്മി​റ്റി ശി​പാ​ർ​ശ ചെ​യ്തു.

2024 ഫെ​ബ്രു​വ​രി 23ന് ​റോ​ഡ്സ് ആ​ൻ​ഡ് ബ്രി​ഡ്ജ​സ് ഡെ​വ​ല​പ്പ്മെ​ന്റ് കോ​ർ​പ​റേ​ഷ​ൻ കേ​ര​ള (ആ​ർ​ബി​ഡി​സി​കെ) ടെ​ൻ​ഡ​റു​ക​ൾ ക്ഷ​ണി​ച്ചു, എ​ന്നാ​ൽ ഒ​രു ബി​ഡ​ർ മാ​ത്ര​മാ​ണ് പ​ങ്കെ​ടു​ത്ത​ത്. 2024 ജൂ​ൺ 12-ന് ​വീ​ണ്ടും ടെ​ൻ​ഡ​ർ ചെ​യു​ക​യും അ​തി​ൽ മൂ​ന്ന് ക​മ്പ​നി​ക​ൾ പ​ങ്കെ​ടു​ക്കു​ക​യും ചെ​യ്തു. 2024 സെ​പ്റ്റം​ബ​ർ 12-ന് ​ഫി​നാ​ൻ​ഷ്യ​ൽ ബി​ഡ് തു​റ​ക്ക​പ്പെ​ട്ടു.