എരുമപ്പെട്ടി: കെസിബിസി മദ്യവിരുദ്ധസമിതി വടക്കൻ മേഖല സമ്മേളനം എരുമപ്പെട്ടി തിരുഹൃദയ ഫൊറോന പള്ളിയിൽ നടന്നു. വികാരി ഫാ. ജോഷി ആളൂർ സന്ദേശം നൽകി ഔപചാരികമായി ഉദ്ഘാടനം ചെയ്തു. തൃശൂർ അതിരൂപത കെസിബിസി മദ്യവിരുദ്ധ സമിതി ഡയറക്ടർ റവ. ഡോ. ദേവസി പന്തല്ലൂക്കാരൻ അധ്യക്ഷത വഹിച്ചു.
കെസിബിസി മദ്യവിരുദ്ധസമിതി എരുമപ്പെട്ടി ഫൊറോന പ്രമോട്ടറും മുൻ ഡയറക്ടറുമായ ഫാ. ഡേവിസ് ചക്കാലയ്ക്കൽ അനുഗ്രഹ പ്രഭാഷണം നടത്തി. തൃശൂർ അതിരൂപത പ്രസിഡന്‍റ് വി.എം. അഗസ്റ്റിൻ, പിആർഒ ലിന്‍റോ ഫ്രാൻസിസ്, എരുമപ്പെട്ടി ഫൊറോന പ്രസിഡന്‍റ്് സി.കെ. ജോർജ് എന്നിവർ സംസാരിച്ചു. ഒക്ടോബർ രണ്ടിനു തൃശൂർ വ്യാകുലമാതാവിൻ ബസിലിക്ക പള്ളിയിൽ നടക്കുന്ന 27-ാം വാർഷിക സമ്മേളനത്തേക്കുറിച്ച് അവതരണം നടത്തി. പരിപാടികൾക്കു ലിജിൻ തോമാസ് ബാബു മുരിങ്ങാത്തേരി, സിസ്റ്റർ അജ്ഞലി, വിൻസൻ അന്തിക്കാട്, ജോയ്സൻ ഇരുമ്പൻ, റോബിൻ റാഫേൽ നേതൃത്വം നൽകി.