മോതിരക്കണ്ണി: സാമ്പത്തികമായി ഒപ്പം മുന്നോട്ടുപോകാൻ കഴിയാതെ തളർന്നുനില്ക്കുന്നവരെ കൈപിടിച്ച് ഒപ്പംനിർത്തുകയെന്നത് മറ്റുള്ളവരുടെ കടമയാണെന്ന് കർദിനാൾ മാർ ജോർജ് ആലഞ്ചേരി.
ബാലിക്കുളത്ത് യൂജിൻ മോറേലിയുടെ നേതൃത്വത്തിൽ 15 ലക്ഷം രൂപ ചെലവഴിച്ച് നിർധനകുടുംബത്തിന് നല്കുന്ന ‘കൊച്ചുഭവനം സുന്ദരഭവന’ത്തിന്‍റെ താക്കോൽദാനം നിർവഹിച്ച് സംസാരിക്കയായിരുന്നു കർദിനാൾ ജോർജ് ആലഞ്ചേരി. സനീഷ്കുമാർ ജോസഫ് എംഎൽഎ, മുഖ്യാതിഥിയായിരുന്നു. മുൻ എംപി ഡോ. ചാൾസ് ഡയസ് അധ്യക്ഷതവഹിച്ചു. യൂജിൻ മോറേലി, ഖത്തർ ട്രേഡ് കമ്മീഷണർ ഡോ.കെ.എസ്. കൊച്ചുമോൻ, ജില്ലാപഞ്ചായത്ത് അംഗം ജെനീഷ് പി.ജോസ്, പരിയാരം പഞ്ചായത്ത് പ്രസിഡന്‍റ് മായ ശിവദാസ്, ഡെസ്റ്റിൻ താക്കോൽക്കാരൻ, നഗരസഭ ഉപാധ്യക്ഷ ആലീസ് ഷിബു, ജെയ്സൻ മാണി, ഫാ. ജോയ് പീണിക്കപറമ്പില്‌, ടി.കെ. ഉണ്ണികൃഷ്ണൻ, ഫാ. ടോം വടക്കൻ, എസ്എച്ച് കോളജ് പ്രിൻസിപ്പൽ സിസ്റ്റർ ഡോ. ഐറിൻ, ഫാ. ബിജു പാറപ്പുറം, ഫാ. തോമസ് പുതുശേരി എന്നിവർ പ്രസംഗിച്ചു.