ഓണം വിപണി: കു​ടും​ബ​ശ്രീ​ക്കു മൂ​ന്നു​കോ​ടി വി​റ്റു​വ​ര​വ്
Friday, September 20, 2024 1:55 AM IST
തൃ​ശൂ​ർ: ഓ​ണ​വി​പ​ണി​യി​ൽ മൂ​ന്നു​കോ​ടി​യി​ലേ​റെ വി​റ്റു​വ​ര​വു​നേ​ടി തൃ​ശൂ​ർ കു​ടും​ബ​ശ്രീ.
ജി​ല്ല​യി​ലെ എ​ല്ലാ സി​ഡി​എ​സു​ക​ളി​ലു​മാ​യി ന​ട​ന്ന വി​പ​ണ​ന​ത്തി​ൽ മി​ക​ച്ച നേ​ട്ട​മാ​ണു കൈ​വ​രി​ച്ച​ത്. ജി​ല്ലാ​ത​ല​ത്തി​ൽ ക​ള​ക്ട​റേ​റ്റ് അ​ങ്ക​ണ​ത്തി​ലും ന​ട​ത്ത​റ സി​ഡി​എ​സി​ലും കു​ടും​ബ​ശ്രീ ബ​സാ​റി​ലു​മ​ട​ക്കം 186 ഓ​ണം വി​പ​ണ​ന​മേ​ള​ക​ൾ ന​ട​ത്തി.

കു​ടും​ബ​ശ്രീ​യു​ടെ ബ്രാ​ൻ​ഡ​ഡ് ഉ​ത്പ​ന്ന​മാ​യ ഫ്ര​ഷ് ബൈ​റ്റ്സി​ന്‍റെ ശ​ർ​ക്ക​ര​വ​ര​ട്ടി​യും കാ​യ വ​റു​ത്ത​തും ബ്രാ​ൻ​ഡ​ഡ് ക​റി പൗ​ഡ​റു​ക​ളും അ​ട​ക്കം വി​പ​ണി​യി​ൽ ശ്ര​ദ്ധേ​യ​മാ​യി.

ഓ​ണ​ക്ക​നി​യും നി​റ​പ്പൊ​ലി​മ​യു​മാ​യി 2333.03 ഏ​ക്ക​റി​ൽ കൃ​ഷി​ചെ​യ്ത വി​വി​ധ​യി​നം പ​ച്ച​ക്ക​റി​ക​ളും പൂ​കൃ​ഷി​ക​ളും നി​റ​പ്പ​കി​ട്ടേ​കി.


3230 ചെ​റു​കി​ട​സം​രം​ഭ​ങ്ങ​ളും 1951 ജെ​എ​ൽ​ജി​ക​ളും ചേ​ർ​ന്നു​ന​ട​ത്തി​യ വി​ല്പ​ന​യി​ൽ 3,28,76,430 രൂ​പ​യാ​ണു ല​ഭി​ച്ച​ത്. വ​രും​കാ​ല​ങ്ങ​ളി​ൽ പൂ​വ്, പ​ച്ച​ക്ക​റി​കൃ​ഷി​ക​ളി​ൽ മി​ക​ച്ച നേ​ട്ടം കൈ​വ​രി​ക്കാ​ൻ ജി​ല്ല​യി​ൽ കൃ​ഷി​ക​ൾ വ്യാ​പി​പ്പി​ക്കും.

ഫ്ര​ഷ് ബൈ​റ്റ്സും ക​റി പൗ​ഡ​റു​ക​ളും പൊ​തു​വി​പ​ണി​യി​ൽ ല​ഭ്യ​മാ​ക്കു​ന്ന​തി​നു വേ​ണ്ടി​യു​ള്ള ന​ട​പ​ടി​ക​ൾ തു​ട​ങ്ങി​യെ​ന്നു ജി​ല്ലാ മി​ഷ​ൻ കോ-​ഓ​ർ​ഡി​നേ​റ്റ​ർ ഡോ. ​യു. സ​ലി​ൽ അ​റി​യി​ച്ചു.