ചാത്തന്നൂർ : യുവതിയെ ട്രെയിൻ തട്ടി മരിച്ച നിലയിൽ കണ്ടെത്തി. ചാത്തന്നൂർ മീനാട് പാലമൂക്ക് രോഹിണിയിൽ ജിജോ ഗോപിനാഥന്റെ ഭാര്യ റെനി (34) യാണ് മരിച്ചത്. മയ്യനാട് റെയിൽവേ ഗേറ്റിന് സമീപം ശനിയാഴ്ച രാത്രി 8.30നാണ് മൃതദേഹം കണ്ടെത്തിയത്. തിരുവനന്തപുരം ഭാഗത്ത് നിന്നും കൊല്ലം ഭാഗത്തേക്ക് പോയ മലബാർ എക്സ്പ്രസ് ആണ് തട്ടിയത്. തുടർന്ന് മൃതദേഹം ജില്ലാ ആശുപത്രിയിലേക്ക് മാറ്റി.
റെനി ഭർത്താവിനൊപ്പം ഗൾഫിലായിരുന്നു. അടുത്ത കാലത്താണ് നാട്ടിലെത്തിയത്. ഭർത്താവിന്റെ വീട്ടിലായിരുന്നു താമസം. ജിജോയും ഓണത്തിന് നാട്ടിലെത്തിയിരുന്നു. ശനിയാഴ്ച വൈകുന്നേരം മുതൽ റെനിയെ കാണാനില്ലായിരുന്നു. ബന്ധുക്കൾ ചാത്തന്നൂർ പോലിസ് സ്റ്റേഷനിൽ പരാതിയും നൽകിയിരുന്നു. പരാതിയുടെ അടിസ്ഥാനത്തിൽ നടത്തിയ പരിശോധനയിലാണ് ട്രെയിൻ തട്ടി മരിച്ച യുവതി റെനി യാണെന്ന് കണ്ടെത്തിയത് മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ട് കൊടുത്തു. മക്കൾ : ധനശ്രീ, ദിയ ലക്ഷ്മി.