ചേർത്തല: നിയന്ത്രണം തെറ്റി കാർ മതിലിലിടിച്ച് ആലപ്പുഴ സഹകരണ എൻജിനിയറിംഗ് കോളജ് ജീവനക്കാരൻ മരിച്ചു. പുന്നപ്ര വടക്ക് പഞ്ചായത്ത് നാലാം വാർഡ് കളർകോട് സനാതനപുരം കുന്നാന്തറ വീട്ടിൽ പരേതനായ രാജപ്പന്റെ മകൻ കെ.ആർ. രമേഷ് (കൊച്ചുകുട്ടൻ-44) ആണ് മരിച്ചത്. ശനിയാഴ്ച പുലർച്ചെ 11-ാം മൈൽ -തണ്ണീർമുക്കം റോഡിൽ പോറ്റിക്കവലയ്ക്കു കിഴക്കാണ് അപകടം.
കൊല്ലത്തെ ഭാര്യ വീട്ടിൽ പോയശേഷം ചേർത്തല പോറ്റിക്കവലയിലെ സഹാേദരിയുടെ വീട്ടിലേക്കു കാറിൽ പോകുന്നതിനിടെയാണ് അപകടം. മതിലിലിടിച്ച കാറിന്റെ മുൻഭാഗം തകർന്ന് ഗുരുതരമായി പരിക്കേറ്റ രമേഷിനെ ചേര്ത്തലയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. പുന്നപ്ര എൻജിനിയറിംഗ് കോളജിലെ അന്റൻഡറാണ്. സംസ്കാരം നടത്തി. മാതാവ്: വിജയമ്മ. ഭാര്യ: സീന. മകൻ: അലോക് രമേഷ്. സഹോദരങ്ങൾ: വല്ല്യകുട്ടൻ, സുജാത (തുളസി). മുഹമ്മ പോലീസ് കേസെടുത്തു.