ജോ​ലി സ​മ്മ​ർ​ദ​ത്തെ തു​ട​ർ​ന്ന് മ​രി​ച്ച അ​ന്ന​യു​ടെ വീ​ട് മ​ന്ത്രി​യും പ്ര​തി​പ​ക്ഷ നേ​താ​വും സ​ന്ദ​ർ​ശി​ച്ചു
Sunday, September 22, 2024 3:45 AM IST
ക​ള​മ​ശേ​രി: ജോ​ലി സ​മ്മ​ർ​ദ​ത്തെ തു​ട​ർ​ന്ന് ഹൃ​ദ​യാ​ഘാ​തം മൂ​ലം മ​രി​ച്ച അ​ന്ന സെ​ബാ​സ്റ്റ്യ​ന്‍റെ വീ​ട് മ​ന്ത്രി പി. ​രാ​ജീ​വും, പ്ര​തി​പ​ക്ഷ നേ​താ​വ് വി.​ഡി. സ​തീ​ശ​നും സ​ന്ദ​ർ​ശി​ച്ചു. മ​ക​ളു​ടെ മ​ര​ണ​ത്തി​ന് കാ​ര​ണം ഓ​ഫീ​സി​ലെ ജോ​ലി ഭാ​ര​വും സ​മ്മ​ർ​ദ​വു​മാ​ണെ​ന്ന് മാ​താ​പി​താ​ക്ക​ൾ നേ​താ​ക്ക​ൾ​ക്ക് മു​ന്നി​ൽ പൊ​ട്ടി​ക്ക​ര​ഞ്ഞു​കൊ​ണ്ട് പ​റ​ഞ്ഞു.

ഇ​നി ഒ​രു മ​ക്ക​ൾ​ക്കും ഈ ​ഗ​തി വ​ര​രു​തെ​ന്നും പി​താ​വ് അ​ഭ്യ​ർ​ഥി​ച്ചു. ഏ​ണ​സ്റ്റ് ആ​ന്‍​ഡ് യം​ഗ് ക​മ്പ​നി​ക്ക് അ​ന്ന​യു​ടെ അ​മ്മ അ​യ​ച്ച ക​ത്ത് പു​റ​ത്തു​വ​ന്ന​തോ​ടെ​യാ​ണ് ജോ​ലി സ​മ്മ​ര്‍​ദം സം​ബ​ന്ധി​ച്ച ഞെ​ട്ടി​ക്കു​ന്ന വി​വ​രം പു​റം​ലോ​കം അ​റി​ഞ്ഞ​ത്.


ഐ​ടി, പ്ര​ഫ​ഷ​ണ​ൽ മേ​ഖ​ല​ക​ളി​ലെ ജീ​വ​ന​ക്കാ​ർ അ​നു​ഭ​വി​ക്കു​ന്ന പീ​ഡ​ന​ങ്ങ​ൾ​ക്ക് പ​രി​ഹാ​രം കാ​ണാ​ൻ അ​ടി​യ​ന്തി​ര​മാ​യി ഇ​ട​പെ​ട​ണ​മെ​ന്ന് സ​ർ​ക്കാ​രി​നോ​ട് വി.​ഡി. സ​തീ​ശ​ൻ അ​ഭ്യ​ർ​ഥി​ച്ചു. ഈ ​മേ​ഖ​ല​യി​ലെ പ്ര​വ​ർ​ത്ത​ന സ​മ​യ​ത്തി​ന് കാ​ലോ​ചി​ത​മാ​യ മാ​റ്റം വ​രു​ത്താ​ൻ കേ​ന്ദ്ര സ​ർ​ക്കാ​രി​ന്‍റെ ഇ​ട​പെ​ട​ലി​നാ​യി അ​ടി​യ​ന്ത​ര ശ്ര​ദ്ധ ചെ​ലു​ത്തു​മെ​ന്ന് ഹൈ​ബി ഈ​ഡ​ൻ എം​പി യും ​മാ​താ​പി​താ​ക്ക​ളെ അ​റി​യി​ച്ചു.

വി.​ഡി. സ​തീ​ശ​നൊ​പ്പം ഹൈ​ബി ഈ​ഡ​ൻ, ക​ള​മ​ശേ​രി മു​നി​സി​പ്പ​ൽ ചെ​യ​ർ​പേ​ഴ്സ​ൺ സീ​മ ക​ണ്ണ​ൻ ഉ​ൾ​പ്പെ​ട​ടെ​യു​ള്ള​വ​ർ പ​ങ്കെ​ടു​ത്തു.