വൈ​ദ്യു​തി ഉ​ത്പാ​ദ​ന​മി​ല്ല : ക​ള​ക്ട​റേ​റ്റി​ലെ ഒ​ന്ന​ര​ക്കോ​ടി​യു​ടെ സോ​ളാ​ർ പ​ദ്ധ​തി നോ​ക്കു​കു​ത്തി
Saturday, September 21, 2024 3:23 AM IST
കാ​ക്ക​നാ​ട്: എ​റ​ണാ​കു​ളം ക​ള​ക്ട​റേ​റ്റ് സ​മു​ച്ച​യ​ത്തി​ന്‍റെ മേ​ൽ​ക്കൂ​ര​യി​ൽ ഒ​ന്ന​ര കോ​ടി രൂ​പ ചെ​ല​വ​ഴി​ച്ച് 2016 ൽ ​സ്ഥാ​പി​ച്ച 200 സോ​ളാ​ർ പാ​ന​ലു​ക​ളി​ൽ ഒ​രെ​ണ്ണം പോ​ലും പ്ര​വ​ർ​ത്തി​ക്കു​ന്നി​ല്ല. വി​വി​ധ വ​കു​പ്പു​ക​ളി​ലാ​യി ക​ള​ക്ട​റേ​റ്റി​ൽ പ്ര​വ​ർ​ത്തി​ക്കു​ന്ന 72 സ​ർ​ക്കാ​ർ ഓ​ഫീ​സു​ക​ളി​ലേ​ക്കും ആ​വ​ശ്യ​മാ​യ വൈ​ദ്യു​തി ഉ​ല്പാ​ദി​പ്പി​ക്കാ​ൻ ശേ​ഷി​യു​ള്ള പാ​ന​ലു​ക​ളാ​ണ് ഇ​വി​ടെ സ്ഥാ​പി​ച്ച​ത്. സോ​ളാ​റു​ക​ളു​ടെ പ്ര​വ​ർ​ത്ത​ന​ത്തി​നു വേ​ണ്ടി സ്ഥാ​പി​ച്ച ബാ​റ്റ​റി​ക​ളും ന​ശി​ച്ചു തു​ട​ങ്ങി.

വൈ​ദ്യു​തി മു​ട​ങ്ങു​മ്പോ​ൾ ഓ​ഫീ​സ് പ്ര​വ​ർ​ത്ത​ന​ങ്ങ​ൾ ത​ട​സ​പ്പെ​ടാ​തി​രി​ക്കാ​ൻ 2017 ൽ ​ക​ള​ക്ട​റേ​റ്റ് വ​ള​പ്പി​ൽ സ്ഥാ​പി​ച്ച ഡീ​സ​ൽ ജ​ന​റേ​റ്റ​റും പ്ര​വ​ർ​ത്ത​ന​ര​ഹി​ത​മാ​ണ്. 75 ല​ക്ഷം രൂ​പ മു​ട​ക്കി സ്ഥാ​പി​ച്ച ജ​ന​റേ​റ്റ​റാ​ണി​ത്.


അ​ഞ്ചു മാ​സം തു​ട​ർ​ച്ച​യാ​യി വൈ​ദ്യു​തി ബി​ൽ അ​ട​യ്ക്കാ​തി​രു​ന്ന​തി​നെ തു​ട​ർ​ന്ന് 2024 മാ​ർ​ച്ചി​ൽ കെ​എ​സ്ഇ​ബി ക​ള​ക്ട​റേ​റ്റി​ലെ സ​ർ​ക്കാ​ർ ഓ​ഫീ​സു​ക​ളി​ലെ വൈ​ദ്യു​തി ബ​ന്ധം വി​ച്ഛേ​ദി​ച്ചി​രു​ന്നു. 55 ല​ക്ഷം രൂ​പ​യാ​യാ​യി​രു​ന്നു കു​ടി​ശി​ക ഉ​ണ്ടാ​യി​രു​ന്ന​ത്.

എ​ട്ടു വ​ർ​ഷ​മാ​യി പ്ര​വ​ർ​ത്ത​ന​ര​ഹി​ത​മാ​യി കി​ട​ക്കു​ന്ന 200 സോ​ളാ​ർ പാ​ന​ലു​ക​ൾ ഇ​നി ഉ​പ​യോ​ഗി​ക്കാ​ൻ ക​ഴി​യു​മോ എ​ന്ന കാ​ര്യ​ത്തി​ലും സം​ശ​യം നി​ല​നി​ൽ​ക്കു​ന്നു. ബാ​റ്റ​റി​ക​ൾ കേ​ടാ​യി​ട്ടു​ണ്ട്. പ​ശ്ചി​മ ബം​ഗാ​ൾ ആ​സ്ഥാ​ന​മാ​യ ക​മ്പ​നി​യാ​ണ് ക​ള​ക്ട​റേ​റ്റി​ൽ സോ​ളാ​ർ പാ​ന​ലു​ക​ൾ സ്ഥാ​പി​ച്ച​ത്.