പൊ​ന്ന​മ്മയില്ലാതെ ഇനി ശ്രീ​പീ​ഠം വീ​ട്...
Saturday, September 21, 2024 3:50 AM IST
ക​രു​മാ​ലൂ​ർ: മ​ല​യാ​ള സി​നി​മ​യു​ടെ അ​മ്മ വി​ട​പ​റ​ഞ്ഞ​തോ​ടെ ക​രു​മാ​ലൂ​ർ പെ​രി​യാ​റി​ന്‍റെ തീ​ര​ത്തെ ശ്രീ​പീ​ഠം വീ​ട് ഉ​റ​ങ്ങി. നെ​റ്റി​യി​ൽ വ​ലി​യ കു​ങ്കു​മ​പ്പൊട്ടുള്ള അ​മ്മ​യെ ഇ​നി ക​രു​മാ​ലൂ​ർ നി​വാ​സി​ക​ൾ​ക്ക് ഓ​ർ​മ്മ മാ​ത്രം.

കൃ​ഷി​ക്ക് പേ​രു​കേ​ട്ട ക​രു​മാ​ലൂ​ർ പ്ര​ദേ​ശ​ത്തെ കാ​ർ​ഷി​ക ഗ്രാ​മ​ത്തി​ന്‍റെ​യും പെ​രി​യാ​റി​ന്‍റെ​യും സൗ​ന്ദ​ര്യം ആ​സ്വ​ദി​ക്കാ​നു​മാ​യാ​ണു ക​വി​യൂ​ർ പൊ​ന്ന​മ്മ ക​രു​മാ​ലൂ​ർ പു​റ​പ്പി​ള്ളി​ക്കാ​വ് ക്ഷേ​ത്ര​ത്തി​നു സ​മീ​പം പെ​രി​യാ​റി​ന്‍റെ തീ​ര​ത്തു വീ​ടു നി​ർ​മി​ച്ച​ത്. തു​ട​ർ​ന്നു നീ​ണ്ട 15 വ​ർ​ഷ​ത്തോ​ളം പെ​രി​യാ​റി​ന്‍റെ തീ​ര​ത്തെ വീ​ട്ടി​ൽ​ക​ഴി​ഞ്ഞു.

അ​ഞ്ചു മാ​സം മു​ൻ​പാ​ണു വീ​ട്ടി​ൽ കാ​ൽ വ​ഴു​തി വീ​ഴു​ന്ന​ത്. കി​ഴ​ക്കേ ക​ടു​ങ്ങ​ല്ലൂ​രി​ൽ താ​മ​സി​ക്കു​ന്ന ഇ​ള​യ സ​ഹോ​ദ​ര​നും കു​ടും​ബ​വു​മാ​ണു വ​യ്യാ​തെ വ​ന്ന പൊന്നമ്മയെ പരിചരിച്ചി​രു​ന്ന​ത്. അസുഖബാധിതയായ പൊന്നമ്മയെ കാണാൻ വി​ദേ​ശ​ത്തു​ള്ള മ​ക​ൾ ഇ​ട​യ്ക്കു വ​ന്നു പോ​യി​രു​ന്നു.


വ​യ്യാ​തെ ആ​യ​തി​നു ശേ​ഷം ക​ഴി​ഞ്ഞ കു​റേ നാ​ളു​ക​ളാ​യി പു​റ​മേ നി​ന്നു​ള്ള ആ​രു​മാ​യും അവർ സം​സാ​രി​ക്കു​മാ​യി​രു​ന്നി​ല്ല. 2018 ലെ ​പ്ര​ള​യ​ത്തി​ൽ പെ​രി​യാ​റി​ന് സ​മീ​പ​ത്തെ വീ​ടു പൂ​ർ​ണ​മാ​യും മു​ങ്ങി​യി​രു​ന്നു. അ​ന്നു കു​ടു​ങ്ങി​പോ​യ ക​വി​യൂ​ർ പൊ​ന്ന​മ്മ​യെ നാ​ട്ടു​കാ​രാ​ണു ര​ക്ഷ​പ്പെ​ടു​ത്തി​യ​ത്. 2019ലും ​ഇ​ത് വീ​ണ്ടും ആ​വ​ർ​ത്തി​ച്ചു.​അ​ന്നും ബ​ന്ധു​മി​ത്രാ​ദി​ക​ൾ ത​ന്നെ ക​വി​യൂ​ർ പൊ​ന്ന​മ്മ​യെ മാ​റ്റി താ​മ​സി​പ്പി​ച്ചു.

ക​ള​മ​ശേ​രി​യി​ൽ പൊ​തു​ദ​ർ​ശ​ന​ത്തി​നു ശേ​ഷം ഇ​ന്ന് ഉ​ച്ച​യോ​ടെ പു​റ​പ്പി​ള്ളി​ക്കാ​വി​ലെ വീ​ട്ടി​ൽ കൊ​ണ്ടു​വ​രും. വൈ​കി​ട്ടു അ​ഞ്ചി​നു സം​സ്കാ​രം ന​ട​ക്കും.