കോട്ടയം: കെ. ഫ്രാൻസിസ് ജോർജ് എംപിക്ക് കേരള കോൺഗ്രസ് ജില്ലാ കമ്മിറ്റിയുടെ ആഭിമുഖ്യത്തിൽ 12ന് ഉച്ചകഴിഞ്ഞ് മൂന്നിന് കോട്ടയം ദർശന ഓഡിറ്റോറിയത്തിൽ സ്വീകരണം നൽകാൻ ജില്ലാ നേതൃയോഗം തീരുമാനിച്ചു. നെല്ല് സംഭരണം നടത്തിയതിന്റെയും കൃഷിനാശം സംഭവിച്ചതിന്റെയും നഷ്ടപരിഹാരത്തുക എത്രയും വേഗം വിതരണം ചെയ്യാൻ സംസ്ഥാന സർക്കാർ തയാറാകണമെന്നും യോഗം പ്രമേയത്തിലൂടെ ആവശ്യപ്പെട്ടു.
പാർട്ടി ചെയർമാൻ പി. ജെ. ജോസഫ് ഉദ്ഘാടനം ചെയ്തു. ജില്ലാ പ്രസിഡന്റ് ജെയ്സൺ ജോസഫ് ഒഴുകയിൽ അധ്യക്ഷത വഹിച്ചു . പി. സി തോമസ്, മോൻസ് ജോസഫ് എംഎൽഎ, സെക്രട്ടറി ജോയി ഏബ്രഹാം, തോമസ് ഉണ്ണിയാടൻ, കെ. എഫ്. വർഗീസ്, ഗ്രേസമ്മ മാത്യു, തോമസ് കണ്ണന്തറ, കെ.വി കണ്ണൻ, മാഞ്ഞൂർ മോഹൻ കുമാർ, പ്രിൻസ് ലൂക്കോസ്, വി.ജെ ലാലി, പോൾസൺ ജോസഫ്, മാത്തുക്കുട്ടി പ്ലാത്താനം, ജോർജ് പുളിങ്കാട്, മജു പുളിക്കൻ , എ. കെ ജോസഫ് തുടങ്ങിയവർ പ്രസംഗിച്ചു. യുഡിഎഫ് ജില്ലാ ചെയർമാൻ സ്ഥാനത്ത് മുതിർന്ന നേതാവ് ഇ.ജെ. ആഗസ്തി തുടരുമെന്ന് പി.ജെ. ജോസഫ് അറിയിച്ചു.