ജ​ൽ ജീ​വ​ൻ പ്ര​വൃ​ത്തി​ക​ൾ വേ​ഗ​ത്തി​ലാ​ക്ക​ണം: ജി​ല്ലാ വി​ക​സ​ന സ​മി​തി യോ​ഗം
Sunday, July 28, 2024 7:11 AM IST
കോ​ട്ട​യം: ജ​ല​ജീ​വ​ൻ മി​ഷ​ൻ നി​ർ​മാ​ണ പ്ര​വൃ​ത്തി​ക​ൾ വേ​ഗ​ത്തി​ലാ​ക്ക​ണ​മെ​ന്നും വൈ​കു​ന്ന​തു​മൂ​ലം റോ​ഡ് ന​വീ​ക​ര​ണ​പ്ര​വ​ർ​ത്ത​ന​ങ്ങ​ൾ​ക്കു​ള്ള ഭ​ര​ണാ​നു​മ​തി ന​ഷ്ട​പ്പെ​ടു​ന്ന സാ​ഹ​ച​ര്യം ഒ​ഴി​വാ​ക്ക​ണ​മെ​ന്നും ജി​ല്ലാ വി​ക​സ​ന​സ​മി​തി യോ​ഗം.

ജ​ല​ജീ​വ​ൻ മി​ഷ​ൻ ക​രാ​റു​കാ​രും വാ​ട്ട​ർ അ​ഥോ​റി​ട്ടി​യു​മാ​യും ബ​ന്ധ​പ്പെ​ട്ട് ജി​ല്ലാ ക​ള​ക്ട​ർ ച​ർ​ച്ച ന​ട​ത്ത​ണ​മെ​ന്നും ജി​ല്ലാ വാ​ട്ട​ർ ആ​ൻ​ഡ് സാ​നി​റ്റേ​ഷ​ൻ മി​ഷ​ൻ യോ​ഗം ചേ​ർ​ന്നു പു​രോ​ഗ​തി വി​ല​യി​രു​ത്ത​ണ​മെ​ന്നും യോ​ഗം ആ​വ​ശ്യ​പ്പെ​ട്ടു. ജി​ല്ലാ ആ​സൂ​ത്ര​ണ സ​മി​തി സെ​ക്ര​ട്ടേ​റി​യ​റ്റ് കോ​ൺ​ഫ​റ​ൻ​സ് ഹാ​ളി​ൽ ന​ട​ന്ന യോ​ഗ​ത്തി​ൽ ജി​ല്ലാ ക​ള​ക്ട​ർ ജോ​ൺ വി. ​സാ​മു​വ​ൽ അ​ധ്യ​ക്ഷ​ത വ​ഹി​ച്ചു.

കാ​ഞ്ഞി​ര​പ്പ​ള്ളി ബൈ​പാ​സ് നി​ർ​മാ​ണ​വു​മാ​യി ബ​ന്ധ​പ്പെ​ട്ടു കെ​എ​സ്ഇ​ബി ട്രാ​ൻ​സ്‌​ഫോ​ർ​മ​ർ മാ​റ്റം പൂ​ർ​ത്തി​യാ​ക്കി​യെ​ന്നും ഭൂ​ഗ​ർ​ഭ കേ​ബി​ളു​ക​ൾ പ​ത്തു​ദി​വ​സ​ത്തി​നു​ള്ളി​ൽ മാ​റ്റു​ന്ന​ത് പൂ​ർ​ത്തി​യാ​ക്കു​മെ​ന്നും സ​ർ​ക്കാ​ർ ചീ​ഫ് വി​പ്പ് ഡോ.​എ​ൻ. ജ​യ​രാ​ജി​നെ കെ​എ​സ്ഇ​ബി അ​റി​യി​ച്ചു.

ഉ​പേ​ക്ഷി​ക്ക​പ്പെ​ട്ട ക്വാ​റി​ക​ളി​ൽ അ​പ​ക​ട​ങ്ങ​ളു​ണ്ടാ​കു​ന്ന പ​ശ്ചാ​ത്ത​ല​ത്തി​ൽ ജി​ല്ല​യി​ൽ അ​ത്ത​ര​ത്തി​ലു​ള്ള ക്വാ​റി​ക​ളു​ടെ ക​ണ​ക്കെ​ടു​പ്പു ന​ട​ത്താ​ൻ മൈ​നിം​ഗ് ആ​ൻ​ഡ് ജി​യോ​ള​ജി വ​കു​പ്പി​നു നി​ർ​ദേ​ശം ന​ൽ​കി. ഫു​ട്പാ​ത്തു​ക​ൾ കൈ​യേ​റി അ​ന​ധി​കൃ​ത ക​ച്ച​വ​ടം ന​ട​ത്തു​ന്ന​വ​ർ​ക്കെ​തി​രേ ന​ട​പ​ടി​ക​ൾ ശ​ക്ത​മാ​ക്കാ​നും ബോ​ർ​ഡു​ക​ൾ സ്ഥാ​പി​ക്കാ​നും പൊ​തു​മ​രാ​മ​ത്തു വ​കു​പ്പി​ന് ജി​ല്ലാ വി​ക​സ​ന സ​മി​തി യോ​ഗം നി​ർ​ദേ​ശം ന​ൽ​കി.

ദേ​ശീ​യ​പാ​ത 183ന്‍റെ ഭാ​ഗ​മാ​യു​ള്ള കോ​ട്ട​യം- മു​ണ്ട​ക്ക​യം ഭാ​ഗം നാ​ലു​വ​രി പാ​ത​യാ​ക്കു​ന്ന​തി​നു​ള്ള ഡി​പി​ആ​ർ ത​യാ​റാ​ക്കു​ന്ന​തി​ന് അ​നു​മ​തി ല​ഭി​ച്ചി​ട്ടു​ണ്ടെ​ന്നും ഡോ. ​എ​ൻ. ജ​യ​രാ​ജി​നെ ദേ​ശീ​യ​പാ​ത വി​ഭാ​ഗം അ​റി​യി​ച്ചു.

ജി​ല്ലാ പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ജോ​സ് പു​ത്ത​ൻ​കാ​ല, അ​ഡീ​ഷ​ണ​ൽ ജി​ല്ലാ മ​ജി​സ്‌​ട്രേ​റ്റ് ബീ​ന പി. ​ആ​ന​ന്ദ്, സ​ബ് ക​ള​ക്ട​ർ ഡി. ​ര​ഞ്ജി​ത്ത്, പ്ലാ​നിം​ഗ് ഓ​ഫീ​സ​ർ ലി​റ്റി മാ​ത്യൂ, ജി​ല്ലാ​ത​ല ഉ​ദ്യോ​ഗ​സ്ഥ​ർ എ​ന്നി​വ​ർ പ​ങ്കെ​ടു​ത്തു.
Copyright @ 2018 , Rashtra Deepika Ltd.