റോ​ഡ് വി​ക​സ​നം പൂ​ര്‍ത്തി​യാ​കാ​ന്‍ ഇ​നി​യും കാ​ത്തി​രി​ക്കേ​ണ്ടിവ​രും
Sunday, July 28, 2024 7:30 AM IST
ക​ടു​ത്തു​രു​ത്തി: ക​ടു​ത്തു​രു​ത്തി - വൈ​ക്കം മ​ണ്ഡ​ല​ങ്ങ​ളെ ബ​ന്ധി​പ്പി​ച്ച് ഉ​ന്ന​ത​നി​ല​വാ​ര​ത്തി​ല്‍ 111 കോ​ടി രൂ​പ വി​നി​യോ​ഗി​ച്ചു ന​ട​ത്തു​ന്ന മു​ട്ടു​ചി​റ-​ആ​യാം​കു​ടി- ത​ല​യോ​ല​പ്പ​റ​മ്പ്-​വെ​ള്ളൂ​ര്‍ - മു​ള​ക്കു​ളം റോ​ഡ് വി​ക​സ​നം പൂ​ര്‍ത്തി​യാ​കാ​ന്‍ ഇ​നി​യും കാ​ത്തി​രി​ക്കേ​ണ്ടി വ​രും.

മു​ട്ടു​ചി​റ-​ആ​യാം​കു​ടി-​എ​ഴു​മാ​ന്തു​രു​ത്ത്-​വ​ട​യാ​ര്‍-​ക​ല്ലാ​ട്ടി​പ്പു​റം, ത​ല​യോ​ല​പ്പ​റ​മ്പ് ച​ന്ത​പ്പാ​ലം-​വെ​ട്ടി​ക്കാ​ട്ടു​മു​ക്ക്-​വെ​ള്ളൂ​ര്‍-​മു​ള​ക്കു​ളം വ​രെ​യു​ള്ള 22.4 കി​ലോ​മീ​റ്റ​ര്‍ ദൂ​രം വ​രു​ന്ന കെ​എ​സ്ടി​പി റീ​ബി​ല്‍ഡ് കേ​ര​ള ഇ​നീ​ഷ്യേ​റ്റീ​വ് പ​ദ്ധ​തി​യി​ല്‍ ഉ​ള്‍പ്പെ​ടു​ത്തി​യാ​ണ് റോ​ഡ് ന​വീ​ക​രി​ക്കു​ന്ന​ത്. നി​ര്‍മാ​ണം പാ​തി​വ​ഴി​യെ​ത്തും മു​മ്പേ സാ​മ്പ​ത്തി​ക പ്ര​തി​സ​ന്ധി മൂ​ലം ത​ങ്ങ​ളെ ക​രാ​റി​ല്‍നി​ന്ന് ഒ​ഴി​വാ​ക്കി​ത്ത​ര​ണ​മെ​ന്നാ​വ​ശ്യ​പ്പെ​ട്ട് കെ​എ​സ്ടി​പി ചീ​ഫ് എ​ന്‍ജി​നി​യ​ര്‍ക്ക് ക​രാ​ര്‍ ക​മ്പ​നി ക​ഴി​ഞ്ഞ​ദി​വ​സം ക​ത്ത് ന​ല്‍കി.

കെ​എ​സ്ടി​പി ചീ​ഫ് എ​ന്‍ജി​നി​യ​ര്‍ ക​രാ​ര്‍ ക​മ്പ​നി ന​ല്‍കി​യ ക​ത്തി​ന്‍റെ അ​ടി​സ്ഥ​ന​ത്തി​ല്‍ പ​ദ്ധ​തി​യു​ടെ നി​ര്‍വ​ഹ​ണ ചു​മ​ത​ല​യു​ള്ള കെ​എ​സ്ടി​പി പൊ​ന്‍കു​ന്നം ഡി​വി​ഷ​ന്‍ എ​ക്‌​സി​ക്യു​ട്ടീ​വ് എ​ന്‍ജി​നി​യ​റോ​ട് തു​ട​ര്‍ന​ട​പ​ടി​ക​ള്‍ സം​ബ​ന്ധി​ച്ച റി​പ്പോ​ര്‍ട്ട് ആ​വ​ശ്യ​പ്പെ​ട്ടി​ട്ടു​ണ്ട്.

മു​ട്ടു​ചി​റ-​ആ​യാം​കു​ടി-​എ​ഴു​മാ​ന്തു​രു​ത്ത് റോ​ഡി​ലെ നി​ര്‍മാ​ണ പ്ര​വ​ര്‍ത്ത​ന​ങ്ങ​ള്‍ പൂ​ര്‍ത്തി​യാ​കും മു​മ്പേ പ​ണി​ക​ള്‍ അ​വ​സാ​നി​പ്പി​ച്ചു മ​ട​ങ്ങാ​നൊ​രു​ങ്ങി​യ ക​മ്പ​നി​യു​ടെ ജീ​വ​ന​ക്കാ​ര​നെ ക​ഴി​ഞ്ഞ​ദി​വ​സം നാ​ട്ടു​കാ​രും സി​പി​എം പ്ര​വ​ര്‍ത്ത​ക​രും ചേ​ര്‍ന്ന് ത​ട​ഞ്ഞു​വ​ച്ചി​രു​ന്നു. പ​ണി​ക​ള്‍ അ​വ​സാ​നി​പ്പി​ച്ചു മ​ല​പ്പു​റം പ​ള്ളി​ക്കു സ​മീ​പം ക​മ്പ​നി​യു​ടെ തൊ​ഴി​ലാ​ളി​ക​ള്‍ക്കു താ​മ​സി​ക്കു​ന്ന​തി​നും മ​റ്റു​മാ​യി സ്ഥാ​പി​ച്ചി​രു​ന്ന ക​ണ്ടെ​യ്ന​ര്‍ തി​രി​കെ കൊ​ണ്ടു​പോ​കാ​ന്‍ ശ്ര​മം ന​ട​ത്തി​യ​പ്പോ​ളാ​ണ് നാ​ട്ടു​കാ​രും പാ​ര്‍ട്ടി പ്ര​വ​ര്‍ത്ത​ക​രും ചേ​ര്‍ന്ന് പ്ര​തി​ഷേ​ധ​വു​മാ​യെ​ത്തി​യ​ത്. ഒ​ടു​വി​ല്‍ പോ​ലീ​സെ​ത്തി പ്ര​തി​ഷേ​ധ​ക്കാ​രു​മാ​യി ച​ര്‍ച്ച​ന​ട​ത്തി​യാ​ണ് പ്ര​ശ്‌​ന​ത്തി​നു പ​രി​ഹാ​രം ഉ​ണ്ടാ​ക്കി​യ​ത്.

ചെ​യ്ത ജോ​ലി​യു​ടെ പ​ണം പോ​ലും ന​ല്‍കാ​ത്ത​തു​മൂ​ലം പ്ര​വൃ​ത്തി​ക​ള്‍ നി​ര്‍ത്തി​വ​യ്ക്കു​ക​യാ​ണെ​ന്നു കാ​ണി​ച്ചു ക​രാ​റു​കാ​ര​ന്‍ പൊ​തു​മ​രാ​മ​ത്ത് വ​കു​പ്പി​നു മു​മ്പും ക​ത്ത് ന​ല്‍കി​യി​രു​ന്നു. എ​ന്നി​ട്ടും ന​ട​പ​ടി​യു​ണ്ടാ​വാ​തെ വ​ന്ന​തോ​ടെ ഏ​താ​നും മാ​സം മു​മ്പും ഈ ​റോ​ഡി​ന്‍റെ നി​ര്‍മാ​ണം നി​ര്‍ത്തി​വ​ച്ചി​രു​ന്നു.

പ​ദ്ധ​തി നാ​ൾ​വ​ഴി

ഉ​ന്ന​ത നി​ല​വാ​ര​ത്തി​ല്‍ (ബി​എം​ബി​സി) റോ​ഡു​ക​ള്‍ ന​വീ​ക​രി​ക്കാ​നും വെ​ള്ള​ക്കെ​ട്ടു​ള്ള സ്ഥ​ല​ങ്ങ​ളി​ല്‍ കോ​ണ്‍ക്രീ​റ്റ് ചെ​യ്യാ​നു​മാ​ണ് ക​രാ​റി​ലു​ള്ള​ത്. സം​ര​ക്ഷ​ണ​ഭി​ത്തി നി​ര്‍മാ​ണ​വും ഓ​ട നി​ര്‍മാ​ണ​വും പ​ദ്ധ​തി​യി​ല്‍ ഉ​ള്‍പ്പെ​ടു​ന്നു. 2022 മേ​യ് 12നാ​ണ് റോ​ഡ് നി​ര്‍മാ​ണ​ത്തി​നാ​യി കെ​എ​സ്ടി​പി സ്വ​കാ​ര്യ ക​രാ​റു​കാ​ര​നു​മാ​യി ക​രാ​ര്‍ ഒ​പ്പു​വ​ച്ച​ത്. 18 മാ​സം കൊ​ണ്ട് പൂ​ര്‍ത്തീ​ക​രി​ക്കാ​നാ​ണ് പ​ദ്ധ​തി ല​ക്ഷ്യ​മി​ട്ടി​രു​ന്ന​ത്. ഇ​ത​നു​സ​രി​ച്ചു 2023 ന​വം​ബ​ര്‍ 23ന് ​പ​ദ്ധ​തി പൂ​ര്‍ത്തീ​ക​രി​ക്കേ​ണ്ട​താ​യി​രു​ന്നു.

നി​ര്‍മാ​ണം പൂ​ര്‍ത്തീ​ക​രി​ച്ച​ശേ​ഷം അ​ഞ്ചു​വ​ര്‍ഷം റോ​ഡി​ലെ അ​റ്റ​കു​റ്റ​പ്പ​ണി​ക​ള്‍ ക​രാ​റു​കാ​ര്‍ ത​ന്നെ ന​ട​ത്ത​ണ​മെ​ന്ന വ്യ​വ​സ്ഥ​യും ക​രാ​റി​ല്‍ പ​റ​യു​ന്നു​ണ്ട്. ഇ​പ്പോ​ഴും ഉ​ദേ​ശി​ച്ച വേ​ഗ​ത​യോ നി​ര്‍മാ​ണ പ്ര​വ​ര്‍ത്ത​ന​ങ്ങ​ളി​ല്‍ പു​രോ​ഗ​തി​യോ ഇ​ല്ലെ​ന്നു കെ​എ​സ്ടി​പി അ​ധി​കൃ​ത​രും നാ​ട്ടു​കാ​രും പ​റ​യു​ന്നു. 30 ശ​ത​മാ​നം ജോ​ലി​ക​ള്‍ മാ​ത്ര​മേ പൂ​ര്‍ത്തി​യാ​യി​ട്ടു​ള്ളു​വെ​ന്ന് കെ​എ​സ്ടി​പി അ​ധി​കൃ​ത​ര്‍ ത​ന്നെ സ​മ്മ​തി​ക്കു​ന്നു.

നി​ല​വി​ലെ സ്ഥി​തി

വാ​ലാ​ച്ചി​റ റെ​യി​ല്‍വേ ഗേ​റ്റ് മു​ത​ല്‍ ആ​യാം​കു​ടി വ​രെ​യു​ള്ള ഭാ​ഗ​ത്തു മാ​ത്ര​മാ​ണ് ടാ​റിം​ഗ് ചെ​യ്തി​ട്ടു​ള്ളൂ. മു​ട്ടു​ചി​റ മു​ത​ല്‍ വാ​ലാ​ച്ചി​റ വ​രെ​യു​ള്ള ഭാ​ഗം കു​ത്തി​പ്പൊ​ളി​ച്ചി​ട്ടി​രി​ക്കു​ക​യാ​ണ്. എ​ഴു​മാ​ന്തു​രു​ത്ത് മു​ത​ല്‍ ത​ല​യോ​ല​പ്പ​റ​മ്പ് വ​രെ​യു​ള്ള ഭാ​ഗ​ത്ത് ചി​ല സ്ഥ​ല​ങ്ങ​ളി​ല്‍ മാ​ത്ര​മാ​ണ് നി​ര്‍മാ​ണ പ്ര​വ​ര്‍ത്ത​ന​ങ്ങ​ള്‍ തു​ട​ങ്ങി​യി​ട്ടു​ള്ള​ത്. വെ​ട്ടി​ക്കാ​ട്ടു​മു​ക്കി​നും മു​ള​ക്കു​ള​ത്തി​നും ഇ​ട​യി​ല്‍ പ​ല​യി​ട​ത്തും കോ​ണ്‍ക്രീ​റ്റ് ന​ട​ത്തി​യെ​ങ്കി​ലും പൂ​ര്‍ത്തി​യാ​കാ​തെ കി​ട​ക്കു​ന്നു. ഇ​തു വാ​ഹ​ന​യാ​ത്രി​ക​ര്‍ക്ക് അ​പ​ക​ട​ഭീ​ഷ​ണി​യാ​യി മാ​റി​യി​ട്ടു​ണ്ട്.

ക​രാ​റു​കാ​രും കെ​എ​സ്ടി​പി​യും പ​റ​യു​ന്ന​ത്

സ​മ​യ​ത്തി​ന് റോ​ഡ​രി​കി​ലെ മ​ര​ങ്ങ​ള്‍ നീ​ക്കം ചെ​യ്യാ​നോ, വൈ​ദ്യു​ത തൂ​ണു​ക​ള്‍ മാ​റ്റി സ്ഥാ​പി​ക്കാ​നോ കെ​എ​സ്ടി​പി സൗ​ക​ര്യം ഒ​രു​ക്കി​യി​ല്ല. നി​ര്‍മാ​ണം ന​ട​ത്തി​യ​തി​ന്‍റെ ബി​ല്ലു​ക​ളും മാ​റി​ക്കി​ട്ടു​ന്നി​ല്ല. സാ​മ്പ​ത്തി​ക പ്ര​തി​സ​ന്ധി​യി​ലാ​ണ്. ഇ​തി​നാ​ല്‍ ജോ​ലി​ക​ളു​മാ​യി മു​ന്നോ​ട്ടു പോ​കാ​നാ​കു​ന്നി​ല്ലെ​ന്നു​ള്ള നി​ല​പാ​ടാ​ണ് ക​രാ​റു​കാ​ര​ന്‍റേ​ത്.

എ​ന്നാ​ല്‍, റോ​ഡ് നി​ര്‍മാ​ണ​ത്തി​ന് ത​ട​സ​മാ​യി​രു​ന്ന 100 മ​ര​ങ്ങ​ള്‍ മു​റി​ക്കേ​ണ്ട​തി​ല്‍ ഇ​നി 20 മ​ര​ങ്ങ​ള്‍ മാ​ത്ര​മാ​ണ് മു​റി​ക്കാ​നു​ള്ള​തെ​ന്നും ക​മ്പ​നി സ​മ​ര്‍പ്പി​ച്ച ഒ​മ്പ​ത് ബി​ല്ലു​ക​ള്‍ മാ​റി ന​ല്‍കി​യെ​ന്നും കെ​എ​സ്ടി​പി അ​ധി​കൃ​ത​ര്‍ പ​റ​യു​ന്നു.
Copyright @ 2018 , Rashtra Deepika Ltd.