ഈ​രാ​റ്റു​പേ​ട്ട - വാ​ഗ​മ​ൺ റൂ​ട്ടി​ൽ രാ​ത്രി​യും പു​ല​ർ​ച്ചെ​യും ബ​സി​ല്ല; യാ​ത്ര​ക്കാ​ർ വ​ല​യു​ന്നു
Sunday, July 28, 2024 11:51 PM IST
ഈ​രാ​റ്റു​പേ​ട്ട: ഈ​രാ​റ്റു​പേ​ട്ട-​വാ​ഗ​മ​ൺ റൂ​ട്ടി​ൽ രാ​ത്രി​കാ​ല​ങ്ങ​ളി​ലും പു​ല​ർ​ച്ചെ​യും ബ​സി​ല്ലാ​ത്ത​തി​നാ​ൽ യാ​ത്ര​ക്കാ​ർ വ​ല​യു​ന്നു. രാ​ത്രി 7.15ന് ​ശേ​ഷം ഈ​രാ​റ്റു​പേ​ട്ട​യി​ൽ​നി​ന്ന് ഈ ​റൂ​ട്ടി​ൽ ബ​സി​ല്ല. നേ​ര​ത്തെ എ​ട്ടി​നു കോ​ലാ​ഹ​ല​മേ​ട്ടി​ലേ​ക്കു​ള​ള സ്റ്റേ ​ബ​സാ​യി​രു​ന്നു ഈ ​റൂ​ട്ടി​ലെ അ​വ​സാ​ന ബ​സ്. കോ​വി​ഡ് കാ​ല​ത്ത് ഇ​ത് നി​ർ​ത്തി. നി​ർ​ത്തി​പ്പോ​യ മ​റ്റു​പ​ല സ​ർ​വീ​സു​ക​ളും പു​ന​രാ​രം​ഭി​ച്ചെ​ങ്കി​ലും കോ​ലാ​ഹ​ല​മേ​ട് ബ​സ് തു​ട​ങ്ങി​യി​ട്ടി​ല്ല. ഇ​തോ​ടെ വേ​ല​ത്തു​ശേ​രി, മാ​വ​ടി, ഒ​റ്റ​യീ​ട്ടി, വെ​ള​ളി​കു​ളം മേ​ഖ​ല​ക​ളി​ലേ​ക്കു​ള​ള യാ​ത്ര​ക്കാ​ർ തീ​ക്കോ​യി​യി​ലെ​ത്തി വ​ലി​യ​തു​ക മു​ട​ക്കി വേ​ണം വീ​ടു​ക​ളി​ലേ​ക്കു പോ​കാ​ൻ.

ടൂ​റി​സം സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രും വാ​ഗ​മ​ൺ, പു​ള​ളി​ക്കാ​നം, കോ​ലാ​ഹ​ല​മേ​ട് തു​ട​ങ്ങി​യ ഇ​ട​ങ്ങ​ളി​ലെ സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രും കു​രി​ശു​മ​ല ആ​ശ്ര​മ​ത്തി​ലേ​ക്കു​ള​ള​വ​രും ഉ​ൾ​പ്പെ​ടെ ഈ ​റൂ​ട്ടി​ൽ യാ​ത്ര​ക്കാ​രു​ടെ എ​ണ്ണം കൂ​ടി​യി​ട്ടു​ണ്ട്. എ​ന്നാ​ൽ ബ​സി​ല്ലാ​ത്ത​തി​നാ​ൽ യാ​ത്ര​ക്കാ​ർ വ​ല​യു​ക​യാ​ണ്. ദൂ​രെ​സ്ഥ​ല​ങ്ങ​ളി​ൽ ജോ​ലി​ക്ക് പോ​യി​വ​രു​ന്ന​വ​രും പു​റ​ത്തു​നി​ന്ന് വൈ​കു​ന്നേ​രം വാ​ഗ​മ​ൺ ഭാ​ഗ​ത്തേ​ക്ക് വ​രു​ന്ന​രു​മൊ​ക്കെ പ​ല​പ്പോ​ഴും ബ​ന്ധു​വീ​ടു​ക​ളി​ൽ ത​ങ്ങു​ക​യോ ഓ​ട്ടോ​റി​ക്ഷ വി​ളി​ക്കാ​ൻ വ​ലി​യ തു​ക ചെ​ല​വാ​ക്കു​ക​യോ വേ​ണം.

രാ​വി​ലെ വാ​ഗ​മ​ൺ മേ​ഖ​ല​യി​ൽ​നി​ന്ന് ഈ​രാ​റ്റു​പേ​ട്ട ഭാ​ഗ​ത്തേ​യ്ക്കു​ള​ള യാ​ത്ര​ക്കാ​ർ​ക്കും ഇ​താ​ണ് അ​വ​സ്ഥ. ഇ​വി​ടെ​നി​ന്നു​ള്ള ആ​ദ്യ​ബ​സ് ഈ​രാ​റ്റു​പേ​ട്ട​യി​ൽ എ​ത്തു​മ്പോ​ള്‍ രാ​വി​ലെ ഏ​ഴാ​കും. ഒ​മ്പ​തി​നു കോ​ട്ട​യ​ത്ത് എ​ത്താ​നാ​കി​ല്ലെ​ന്ന് യാ​ത്ര​ക്കാ​ർ പ​റ​യു​ന്നു. എ​റ​ണാ​കു​ളം, ആ​ല​പ്പു​ഴ, മെ​ഡി​ക്ക​ൽ കോ​ള​ജ് ഭാ​ഗ​ങ്ങ​ളി​ലേ​ക്ക് പോ​കേ​ണ്ട​വ​രും അ​വി​ടെ എ​ത്തു​മ്പോ​ൾ ഏ​റെ വൈ​കും. ടൂ​റി​സ്റ്റു​ക​ള​ട​ക്കം യാ​ത്ര​ചെ​യ്യാ​നു​ണ്ട്. പു​ല​ർ​ച്ചെ ആ​റി​ന് ഈ​രാ​റ്റു​പേ​ട്ട​യി​ലെ​ത്തും വി​ധം ബ​സ് സ​ർ​വീ​സ് വേ​ണ​മെ​ന്നാ​ണ് ആ​വ​ശ്യം. രാ​ത്രി​യി​ൽ വാ​ഗ​മ​ൺ ഭാ​ഗ​ത്തേ​ക്ക് സ്റ്റേ ​ബ​സ് തു​ട​ങ്ങി​യാ​ൽ ഇ​തേ ബ​സ് പു​ല​ർ​ച്ചെ ആ​ദ്യ സ​ർ​വീ​സാ​യി ഈ​രാ​റ്റു​പേ​ട്ട​യി​ലേ​യ്ക്ക് ഓ​ടി​ക്കാ​നാ​കു​മെ​ന്നും നാ​ട്ടു​കാ​ർ പ​റ​യു​ന്നു.

നേ​ര​ത്തെ കു​മ​ളി​യി​ൽ​നി​ന്നു​ള​ള സ്വ​കാ​ര്യ​ബ​സ് അ​തി​രാ​വി​ലെ ഈ ​റൂ​ട്ടി​ൽ ഓ​ടി​യി​രു​ന്നു. ത​മി​ഴ്നാ​ട്ടി​ൽ​നി​ന്നു​ള​ള യാ​ത്ര​ക്കാ​ര​ട​ക്കം ഈ ​ബ​സി​നെ ആ​ശ്ര​യി​ച്ചി​രു​ന്നു. നി​ല​വി​ൽ ഈ​രാ​റ്റു​പേ​ട്ട-​വാ​ഗ​മ​ൺ വ​ഴി കു​മ​ളി​ക്ക് ബ​സ് സ​ർ​വീ​സ് ഒ​ന്നു​മി​ല്ല.

ക​ട്ട​പ്പ​ന ഡി​പ്പോ​യി​ൽ​നി​ന്നും ഈ​രാ​റ്റു​പേ​ട്ട ഡി​പ്പോ​യി​ൽ​നി​ന്നു​മാ​യാ​ണ് ഈ ​റൂ​ട്ടി​ൽ സ​ർ​വീ​സു​ക​ൾ ഓ​പ്പ​റേ​റ്റ് ചെ​യ്യു​ന്ന​ത്. രാ​വി​ലെ​യും വൈ​കു​ന്നേ​ര​വും പൊ​തു​ജ​ന​ങ്ങ​ൾ​ക്ക് പ്ര​യോ​ജ​നം കി​ട്ടും​വി​ധം ഈ ​റൂ​ട്ടി​ൽ കെ​എ​സ്ആ​ർ​ടി​സി സ​ർ​വീ​സ് തു​ട​ങ്ങ​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.
Copyright @ 2018 , Rashtra Deepika Ltd.