കടുത്തുരുത്തി സെന്‍റ് മേരീസ് ഫൊറോനാ വലിയപള്ളി വെഞ്ചരിപ്പും പുനര്‍സമര്‍പ്പണവും : Deepika.com Nattu Visesham

KOTTAYAM

കടുത്തുരുത്തി സെന്‍റ് മേരീസ് ഫൊറോനാ വലിയപള്ളി വെഞ്ചരിപ്പും പുനര്‍സമര്‍പ്പണവും

Monday, July 29, 2024 7:38 AM IST

കടുത്തുരുത്തി: പാരമ്പര്യങ്ങളും കലാരൂപങ്ങളും വിശ്വാസത്തിലേക്ക് ആഴപ്പെടുത്താനും കൈമാറ്റം ചെയ്യാനും സഹായിക്കുമെന്ന് ആര്‍ച്ച്ബിഷപ് മാര്‍ മാത്യു മൂലക്കാട്ട്. പുനര്‍നിര്‍മിച്ച കടുത്തുരുത്തി സെന്‍റ് മേരീസ് ഫൊറോനാ വലിയപള്ളിയുടെ വെഞ്ചരിപ്പും പുനര്‍സമര്‍പ്പണവും നിര്‍വഹിച്ചു പ്രസംഗിക്കുകയായിരുന്നു ആര്‍ച്ച് ബിഷപ്.

വിശ്വാസത്തില്‍ ജീവിക്കുകയെന്നതും വരും തലമുറയ്ക്കു കൈമാറുകയെന്നതും നമ്മളെ ഏല്‍പിച്ചിരിക്കുന്ന ചുമതലയാണ്. വെല്ലുവിളികള്‍ സ്വീകരിച്ചു ദൈവത്തിനായി എല്ലാം മാറ്റിവച്ച വിശുദ്ധ അല്‍ഫോന്‍സാമ്മയുടെ ജീവിതം മാതൃകയും അനുകരണിയവുമാണെന്നും മാര്‍ മാത്യു മൂലക്കാട്ട് പറഞ്ഞു.

ആറ് പതിറ്റാണ്ടുകള്‍ക്കു ശേഷമാണ് വലിയപള്ളിയില്‍ പുനര്‍നിര്‍മാണ പ്രവര്‍ത്തനങ്ങള്‍ നടപ്പാക്കുന്നത്. പള്ളിയുടെ തനിമയും പാരമ്പര്യവും നിലനിര്‍ത്തിക്കൊണ്ടാണ് നവീകരണം നടപ്പാക്കിയത്.

വികാരി ഫാ. തോമസ് ആനിമൂട്ടില്‍, മുന്‍വികാരി ഫാ. ഏബ്രഹാം പറമ്പേട്ട്, സഹവികാരി ഫാ. സന്തോഷ് മുല്ലമംഗലത്ത് തുടങ്ങിയവര്‍ സഹകാര്‍മികരായി. കുട്ടികളുടെ ആദ്യകുര്‍ബാന സ്വീകരണവും ഇതോടൊപ്പം നടന്നു.