കടുത്തുരുത്തി: “ഭാരതീയ ന്യായസംഹിതയില്‍ നീതി എത്രത്തോളം’’ എന്ന വിഷയത്തില്‍ സമീക്ഷ സാംസ്‌കാരിക സമിതി സംവാദം നടത്തുന്നു. ഇന്നു വൈകുന്നേരം നാലിന് കടുത്തുരുത്തി ഗൗരിശങ്കരം ഓഡിറ്റോറിയത്തില്‍ നടക്കുന്ന സംവാദത്തില്‍ ഡെമോക്രാറ്റിക് ലോയേഴ്‌സ് ഫോറം സംസ്ഥാന സമിതിയംഗം എം.കെ. ഷഹസാദ് വിഷയം അവതരിപ്പിക്കും.
സമീക്ഷ പ്രസിഡന്‍റ് അഡ്വ. പി.പി. ജോര്‍ജിന്‍റെ അധ്യക്ഷതയില്‍ നടക്കുന്ന സംവാദത്തില്‍ പീറ്റര്‍ മ്യാലിപ്പറമ്പില്‍, കെ.എസ്. സോമശേഖരന്‍ നായര്‍, പി.വി. തോമസ്, ജോര്‍ജ് മുല്ലക്കര, എസ്.കെ. അജയകുമാര്‍, പി.ജെ. തോമസ്, ഡെറിക് തോമസ്,
പി.കെ. കുമാരന്‍, ഗ്രെയ്‌സണ്‍ തോമസ്, സണ്ണി ജോസഫ്, കെ.കെ. ശശാങ്കന്‍, എം.എം. സ്‌കറിയ, തങ്കമ്മ ഫിലിപ്പ്, ശോഭ വെള്ളാശേരി, ജയ്‌മോന്‍ തങ്കച്ചന്‍, സി.എസ്. ജോര്‍ജ് തുടങ്ങിയവര്‍ പ്രസംഗിക്കും.