കുറവിലങ്ങാട്: കിടപ്പ് രോഗികൾക്ക് ആശ്വാസം സമ്മാനിക്കാൻ സൗജന്യ സാന്ത്വനപരിചരണവുമായി സ്വരുമ പാലിയേറ്റീവ് കെയർ. കുറവിലങ്ങാട്, ഉഴവൂർ, മരങ്ങാട്ടുപിള്ളി പഞ്ചായത്തുകളിലാണ് ഹോം കെയർ, ഫിസിയോതെറാപ്പി, കൗൺസിലിംഗ് സൗകര്യങ്ങൾ സൗജന്യമായി സമ്മാനിക്കുന്നത്.
പാലിയേറ്റീവ് പ്രവർത്തനങ്ങൾ ആരംഭിക്കുന്നതിന്‍റെ ഭാഗമായി കുറവിലങ്ങാട്, ഉഴവൂർ, മരങ്ങാട്ടുപിള്ളി പഞ്ചായത്തുകളിൽ ജനപ്രതിനിധികളും ആശാപ്രവർത്തകരും ആരോഗ്യവകുപ്പ് ജീവനക്കാരും ഉൾപ്പെടെ യോഗം ചേർന്നിരുന്നു. ഉഴവൂർ ബ്ലോക്ക് പഞ്ചായത്ത് പ്രസിഡന്‍റ് പി.സി കുര്യൻ, കുറവിലങ്ങാട് പഞ്ചായത്ത് പ്രസിഡന്‍റ് മിനി മത്തായി, ഉഴവൂർ പഞ്ചായത്ത് പ്രസിഡന്‍റ് കെ.എം തങ്കച്ചൻ, മരങ്ങാട്ടുപിള്ളി പഞ്ചായത്ത് പ്രസിഡന്‍റ് ബെൽജി ഇമ്മാനുവൽ എന്നിവരുടെ അധ്യക്ഷതയിലാണ് വിവിധയോഗങ്ങൾ നടത്തിയത്.
ജില്ലാ പഞ്ചായത്തംഗങ്ങളായ നിർമല ജിമ്മി, പി.എം. മാത്യു, ബ്ലോക്ക് പഞ്ചായത്ത് വൈസ് പ്രസിഡന്‍റ് ഡോ.സിന്ധുമോൾ ജേക്കബ്, ബ്ലോക്ക്, ഗ്രാമപഞ്ചായത്തംഗങ്ങൾ, സ്വരുമ ചാരിറ്റബിൾ സൊസൈറ്റി പ്രസിഡന്‍റ് മുഹമ്മദ് റിയാസ്, സെക്രട്ടറി ജോയി മുണ്ടാമ്പള്ളി, എക്സിക്യൂട്ടിവ് സെക്രട്ടറി സഖറിയാ ഞാവള്ളിൽ, വൈസ് പ്രസിഡന്‍റ് രാജു പ്രണവം, പാലിയേറ്റീവ് നഴ്സ് ബിജിമോൾ ചാക്കോ, കോ-ഓർഡിനേറ്റർ ബെന്നി കോച്ചേരി എന്നിവർ വിവിധസ്ഥലങ്ങളിൽ പ്രസംഗിച്ചു. പാലിയേറ്റീവ് പരിചരണം നേടുന്നതിനും വിവരങ്ങൾക്കും ഫോൺ: 9447367194, 8111928361.