ആലുവ: ചൂണ്ടി ഭാരതമാതാ കോളജ് ഓഫ് കൊമേഴ്സ് ആൻഡ് ആർട്സിൽ വിദ്യാർഥികളുടെ കരിയർ അഭിരുചികൾ വളർത്തുന്നതിനും തൊഴിൽ സാധ്യതകൾ കണ്ടെത്താനുമായി കമ്പനി മേധാവികളുമായുള്ള മുഖാമുഖ പരമ്പര ‘മീറ്റ് ദ സിഇഒ’ ആരംഭിച്ചു.
ടാൻറോപ്പ് സിഇഒ സഫീർ നജ്മുദീനുമായുള്ള മുഖാമുഖമാണ് ഇന്നലെ നടന്നത്. കോളജ് എക്സിക്യൂട്ടീവ് ഡയറക്ടർ ഫാ. ജേക്കബ് പുതുശേരി അധ്യക്ഷത വഹിച്ചു. പ്രിൻസിപ്പൽ ഡോ. സിബി മാത്യു, അരുൺ ജോർജ് മാമ്പ്ര, അഖിൽ കുമാർ, ഹെലൻ ജോൺ, വർഷ ഷാജി എന്നിവർ പ്രസംഗിച്ചു.