ക​ഴി​ഞ്ഞ മാ​സത്തെ പരിശോധന : മോ​ട്ടോ​ര്‍ വാ​ഹ​ന വ​കു​പ്പ് ഈ​ടാ​ക്കി​യ പി​ഴ 75 ല​ക്ഷം
Saturday, September 7, 2024 3:29 AM IST
കൊ​ച്ചി: വി​വി​ധ ട്രാ​ഫി​ക് നി​യ​മ​ലം​ഘ​ന​ങ്ങ​ളു​ടെ പേ​രി​ൽ മോ​ട്ടോ​ര്‍ വാ​ഹ​ന വ​കു​പ്പി​ന്‍റെ എ​ന്‍​ഫോ​ഴ്‌​സ്‌​മെ​ന്‍റ് വി​ഭാ​ഗം ക​ഴി​ഞ്ഞ മാ​സം ജി​ല്ല​യി​ല്‍ സ​മാ​ഹ​രി​ച്ച​ത് 75 ല​ക്ഷം രൂ​പ. ഇ​ത് എ​ക്കാ​ല​ത്തെ​യും ഉ​യ​ര്‍​ന്ന വ​രു​മാ​ന​മാ​ണ്. സ്‌​പെ​ഷ​ൽ ഡ്രൈ​വി​ന്‍റെ ഭാ​ഗ​മാ​യി ന​ട​ന്ന പ​രി​ശോ​ധ​ന​ക​ളും ഇ​തി​ല്‍ ഉ​ള്‍​പ്പെ​ടും. പ്ര​തി​മാ​സം ഒ​രു കോ​ടി രൂ​പ പി​ഴ നോ​ട്ടീ​സ് അ​യ​യ്ക്കു​ന്നു​ണ്ടെ​ങ്കി​ലും വ​കു​പ്പി​ന്‍റെ ശ​രാ​ശ​രി വ​രു​മാ​നം 40 ല​ക്ഷം രൂ​പ​യാ​യി​രു​ന്നു ഇ​തു​വ​രെ.

75 ല​ക്ഷം രൂ​പ​യി​ല്‍ 25 ശ​ത​മാ​ന​വും ഓ​വ​ര്‍​ലോ​ഡിം​ഗി​ല്‍ നി​ന്നാ​ണ് ല​ഭി​ച്ചി​ട്ടു​ള്ള​ത്. ജി​ല്ല​യി​ല്‍ അ​ടു​ത്തി​ടെ ന​ട​ന്ന ര​ണ്ട് അ​പ​ക​ട​ങ്ങ​ളെ തു​ട​ര്‍​ന്ന് ടി​പ്പ​ര്‍ ലോ​റി​ക​ള്‍ ഉ​ള്‍​പ്പെ​ടെ അ​മി​ത​ഭാ​രം ക​യ​റ്റു​ന്ന വാ​ഹ​ന​ങ്ങ​ള്‍​ക്കെ​തി​രെ എം​വി​ഡി ന​ട​പ​ടി ശ​ക്ത​മാ​ക്കി​യി​രു​ന്നു.


ക​ഴി​ഞ്ഞ മാ​സം മാ​ത്രം 3,100 കേ​സു​ക​ളാ​ണ് വി​വി​ധ​യി​ട​ങ്ങ​ളി​ലാ​യി നി​യ​മ​ലം​ഘ​ന​ങ്ങ​ളു​ടെ പേ​രി​ല്‍ ര​ജി​സ്റ്റ​ർ ചെ​യ്തി​ട്ടു​ള്ള​ത്. ഹെ​ല്‍​മ​റ്റ്, സീ​റ്റ് ബെ​ല്‍​റ്റ് എ​ന്നി​വ ധ​രി​ക്കാ​തെ വാ​ഹ​ന​മോ​ടി​ച്ച​തി​നും മൊ​ബൈ​ല്‍ ഫോ​ണ്‍ ഉ​പ​യോ​ഗി​ച്ച​തി​നു​മാ​ണ് ര​ജി​സ്റ്റ​ര്‍ ചെ​യ്തി​ട്ടു​ള്ള കേ​സു​ക​ളി​ലേ​റെ​യും.

ജി​ല്ല​യി​ൽ ര​ജി​സ്റ്റ​ര്‍ ചെ​യ്യ​പ്പെ​ട്ട കേ​സു​ക​ളി​ല്‍ അ​ധി​ക​വും പു​റ​ത്തു​നി​ന്നു​ള്ള​വ​രു​ടെ പേ​രി​ലു​ള്ള​താ​ണ്. ഇ​തി​ല്‍ യു​വാ​ക്ക​ളാ​ണ് മു​ന്‍​പ​ന്തി​യി​ല്‍.